Izraelitët dhe Lulzim Basha zhdukin Berishën nga TV, anulohet dalja në 'Opinion'

Pas zhdukjes nga fushata elektorale, Lulzim Basha dhe izraelitët që e këshillojnë atë, e kanë izoluar Sali Berishën edhe në daljet e tij mediatike.

Raportohet se javën e ardhshme, ai ishte ftuar në emisionin “Opinion”.

Por, sipas analistëve të këtij emisioni, pjesmarrja e Berishës është anuluar, pas ndërhyrjes së izraelitëve dhe Bashës.

Kjo, për shkak se ata konsiderojnë që Berisha iu prish punë në elektorat me daljet e tij publike dhe për këtë arsye duhet mbajtur “fshehur” deri më 25 prill.

Për këtë arsye, Sali Berisha bën ndonjë lidhje nga shtëpia vetëm në televizionin e familjes së tij dhe tek Sonila Meço, ku nuk prish punë, pasi audienca e tyre është kryesisht militanteske.

Natyrisht, ka edhe Facebook-un e vet, ku poston marrëzitë e tij.

Por, qëllimi i Bashës dhe izraelitëve që e këshillojnë është i qartë: Të mos dalë asnjë dië në fushatë dhe të shmangë shfaqjen në TV, sidomos në emisionet kryesore, që kanë shikueshmëri të lartë./ Gazeta"Tema"

J.GJ./Shqiptarja.com

TAG:
• lulzim basha
• PD
• sali berisha
• zgjedhjet parlamentare 2021