‘Izraelitët vrasës, Macron bashkëpunëtor’! Mijëra francezë protestojnë në qendër të Parisit, pavarësisht ndalimit nga autoritetet

Pavarësisht ndalimit të prefektit, të konfirmuar sot me vendim të Gjykatës Administrative, në qendër të Parisit po zhvillohet një demonstratë pro-palestineze, me pjesëmarrjen e mijëra personave.

Tubimi po mbahet në Chatelet, në qendër të kryeqytetit, por demonstruesit nuk mundën të marshonin, siç ishte planifikuar në drejtim të Place de la Republique, pasi një kordon i madh policësh i bllokoi.

Mes parullave nga demonstruesit, "Gaza, Gaza, Parisi është me ju" dhe "Izraelitët vrasës, Macron është bashkëpunëtor", ata vijuan protestën e tyre pro-palestineze në qendër të Parisit.

Ndërsa ankimi kundër ndalimit të prefektit, i paraqitur dje nga kolektivi "Urgjenca Palestinë", u rrëzua në orët e para të pasdites së sotme nga gjykata administrative e Parisit.

Prefekti, Laurent Nunez, tha se ai mori vendimin për të ndaluar protestat pasi organizatat që krijuan demonstratën janë organizata të cilat, për shkak të deklaratave të bëra, mund të sugjeronin mbështetje për sulmet e Hamasit.

Në dispozitën e urdhrit të ndalimit, prefekti nënvizon se ekziston rreziku i provuar që në fjalimete protestuesve të cënohet dinjitetit njerëzor dhe rendin publik.

Lajmi kryesor:

Netanyahu drejtuar kombit: Është lufta jonë e dytë e pavarësisë, fito ose pusho së ekzistuari! Izraeli tërheq ambasadorin në Turqi

M.T/Shqiptarja.com

TAG:
• Izrael
• Gaza
• lufta ne rripin e gazes