Ja 115 emra që marrin dëmshpërblimin, por s’kanë llogari bankare

Ministria e Financave ka publikuar listën me 115 emra të ish-të përndjekurve apo trashëgimtarëve të tyre që të trajtohen me dëmshpërblim, por të cilëve, sipas këtij dikasteri, u mungon llogaria bankare, e cila rezulton të jetë e mbyllur. Ministria e Financave u kërkon përfituesve të dorëzojnë në Drejtorinë e Pagesave numrin e llogarisë funksionale për të marrë dëmshpërblimin.

Përfituesit e mëposhtëm janë ata përfitues, të cilëve u kanë kaluar lekët në bankë, por numrat e llogarisë së tyre rezultojnë të mbyllur. Këta përfitues duhet të hapin numra llogarie të rinj, në të njëjtën banke të nivelit të dytë ku kanë patur llogaritë e mëparshme dhe të sjellin numrin e ri deri në datën 25 maj 2018.

Kalimi i dëmshpërblimit tek përfituesit e tij nuk mund të bëhet kur nuk plotësohen disa kushte. Kështu, të gjithë trashëgimtarët e ish-të dënuarve duhet të sigurohen pranë bankës, në të cilën kanë hapur llogarinë, që llogaria e tyre është aktive. Në rast se llogaria nuk është aktive, shuma e dëmshpërblimit kthehet mbrapsht në buxhet, duke sjellë vonesa dhe ndërlikime të panevojshme. Kur kemi ndryshim të identitetit, (emër/mbiemër), apo në rastet kur në çertifikatë ndryshon emri ose mbiemri, qoftë edhe me një shkronjë të vetme në krahasim me dëshminë e trashëgimisë apo prokurës, kartës së identitetit dhe çdo dokumenti tjetër të nevojshëm, duhet medoemos që në të gjitha dokumentet emri të jetë i njëjtë me atë që është shkruar në certifikatën e lëshuar nga gjendja civile.

Në rast se ka transkriptime të gabuara gjatë kohës nga një çertifikatë e një periudhe të caktuar, atëherë këto ndryshime duhet të pasqyrohen brenda formatit të çertifikatës, apo edhe të një vërtetimi të veçantë të lëshuar nga zyra e gjendjes civile.

LEXO EDHE:
Autoriteti i Dosjeve propozon ndryshime në ligjin për dëmshpërblimin e ish-të dënuarve politikë! Pagesa fikse për të internuarit në kampe e punë të detyruar

Ligji parashikon edhe rastet e ekzekutimeve pa gjyq. “Në rastet e ekzekutimeve kapitale pa gjyq, është i domosdoshëm një vendim fakti gjykate që vërteton vdekjen, plus një çertifikatë negative e lëshuar nga zyra e gjendjes civile. Në rastet kur, për arsye të njohura, në gjendjen civile nuk ekzistojnë dokumente të periudhës përkatëse dhe ky fakt vërtetohet nga gjendja civile, i interesuari është i detyruar të bëjë një gjyq fakti, të cilin edhe në këtë rast si në pikën më lart, duhet ta shoqërojë me një certifikatë negative.

TAG:
• ish të përndjekur politik
• demshperblimet

Sondazhi i ditës:

1 maji, a respektohen të drejtat e punëtorëve në Shqipëri?

• Po

  25%

• Jo

  15.8%

• Nuk e di

  59.2%

Vota total: 9815

• Sondazhi i ditës:

  1 maji, a respektohen të drejtat e punëtorëve në Shqipëri?

  Po Jo Nuk e di