KINË - Në Kinë u organizua një konkurs për të fituar një BMW X1 të re, ku morën pjesë më shumë se 140 pjesëmarrës.

Këta të fundit ishin të detyruar të qëndronin me një këmbë duke prekur makinën sa më shumë që të ishte e mundur. Dhe ai që mund të rezistonte më shumë do të fitonte makinën. Ky konkurs u organizua në provincën Jiangxi më 1 Mars dhe kishte 3 faza eleminimi.

Faza finale u zhvillua më 16 Mars. Të gjithë konkurrentët e mbetur duhej të preknin makinën me një dorë dhe të qëndronin me një këmbë sa më shumë.

Vëzhguesit e konkursit po monitoronin me kujdes në rast se ndonjë prej pjesëmarrësve do të ulte këmbën në tokë. Ato i lyenin thembrën konkurrentëve me miell, e në këtë mënyrë do të ishte më e lehtë të identifikohej nëse do të preknin në tokë.

Fituesi rezistoi të qëndronte me një këmbë për 7 orë dhe 26 minuta, duke fituar kështu edhe makinën e dëshiruar.


(v.gj/shqiptarja.com)