Fatmirësisht nga ky monument ka shpëtuar një pjesë e mirë e ikonostasit. Kur panë që vidhej IMK e Beratit, e çmontoi dhe e ruajti pranë ambienteve të DRKK–së Berat.

Duke vlerësuar faktin që kishim kaluar një kohë të gjatë pa dëgjuar histori të dëmtimeve apo vjedhjeve të elementëve kishtarë nga kishat ortodokse dhe duke uruar që kjo situatë të ishte zgjidhur përfundimisht, na vjen një lajm i paprecedentë, ai i djegies së kishës “Ungjillëzimit” monument Kulture në fshatin Salc – Kozare pranë qytetit Kuçovës.