POP 5

Lajmet më të lexuara të 5 minutave të fundit

Ekonomi

Ja cilat janë 164 subjektet që
mbyllen forcërisht nga tatimet

Kompania Albatros Airëays, dikur më e madhja në tregun e fluturimeve ajrore në Shqipëri, tashmë ka marrë “mandatën” nga Drejtoria e Përgjithshme e Tatimeve, për të shkuar në proces të detyruar falimentimi.
Ja cilat janë 164 subjektet që<br />mbyllen forcërisht nga tatimet
TIRANE - Kompania Albatros Airëays, dikur më e madhja në tregun e fluturimeve ajrore në Shqipëri, tashmë ka marrë “mandatën” nga Drejtoria e Përgjithshme e Tatimeve, për të shkuar në proces të detyruar falimentimi. Në fakt, ajo i ka humbur me kohë atributet e saj, pas hyrjes në lojë të një kompani tjetër, që aktualisht ka zënë rreth 70 për qind të tregut të transportit ajror civil dhe që ka lidhje të qarta me Lulzim Bashën dhe familjen e kryeministrit Sali Berisha.

“Faji” i saj ishte që si aksionerë kryesorë ishin nipat e ish-presidentit të Republikës Alfred Moisiu dhe atyre iu bë shantazh – i dokumentuar me regjistrime – nga ana e kreut aktual të Drejtorisë së Burgjeve, që të ushtronin ndikim ndaj presidentit që të miratoheshin ato vendime e ligj që dëshironte administrata berishiane. Gjë, që nuk ndodhi.

Sanksionet, e parashikuara me ligjin, shumë të debatuar, të Procedurave Tatimore, të cilin qeveria shqiptare e kaloi në parlament, pavarësisht nga kundërshtimet e shumta të biznesit dhe të ekspertëve të fushave ligjore e fiskale, sipas juristëve, binin ndesh me parimet ndërkombëtare të ligjit të falimentit, i cili u njeh subjekteve të drejtën për të mbrojtur pjesët më të mira të kapitalit të investuar dhe të mbulojë humbjet nëpërmjet kësaj veprimtarie.

Ata thonë se, në vendet e zhvilluara, ligji i falimentimit parashikon të drejtën që pjesët joeficiente të një sipërmarrjeje mund të ristrukturohen, ndërsa ndryshimet në ligj nuk reflektojnë një veprim të tillë. Në vetvete ligji duhet të ketë si synim të organizojë kreditorët në qoftë se subjekti shpallet i falimentuar apo mund të shpallet i tillë. Pasuria e falimentuar menaxhohet nga një administrator i vetëm, që, me vendim të gjykatës, përcaktohet nga lista e ministrisë së Financave dhe Drejtësisë.

NË SHQIPTARJA.COM PRINT LEXONI EMRAT E 164 KOMPANIVE TË FALIMENTUARA

Shkrimi u botua në gazetën Shqiptarja.com (print) 24.03.2013

Redaksia Online
(b.m/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Netanyahu i drejtohet popullit për armëpushimin në Liban

Netanyahu i drejtohet popullit për armëpushimin në Liban

26 Nëntor, 19:16