Ja debati i pacensuruar mes
Ramiz Alisë dhe Ismail Kadaresë

TIRANE- Sikurse e analizuam në numrin  parë të publikimit të këtij takimi, incizimi i zbardhur i plotë e në mënyrë besnike, na zbulon të vërtetën edhe për përfshirjen e shkrimtarit Ismail Kadare në debatin për pluralizmin politik. Deri më sot e shkëputur nga konteksti ndërhyrja e Kadaresë është komentuar si e pakuptimtë. Por kjo pasi takimi është prerë e shkurtuar dhe asnjëherë nuk ishte publikuar i plotë e i pacensuruar.

Në këtë variant të plotë të takimit, që po sjellim, zbardhur nga origjinali (incizimi zanor) kuptojmë se Ismail Kadare ka ndërhyrë mbi çështjen e pluralizmit politik, pasi ka folur para tij Luan Omari, i cili në mënyrë kategorike ishte shprehur kundër pluralizmit partiak.