Ja flamuri me të cilin
u varros Ismail Qemali!

Shqipëria nuk e ka flamurin me të cilin u shpall Pavarësia. Flamuri me pranë asaj ngjarje është ai, me te cilin u varros Ismail Qemali. Ne foto paraqitet pikerisht ne çastin e identifikimit, apo te zbulimit ne nentor te vitit 2011. 



Nje kolege shume e mire e punes dhe e shkences, Ariola Prifti, me njoftoi se kishte ne duar disa flamuj te paidentifikuar te Fondit Etnografik dhe me qe une isha marre me flamujt, t'u hidhja nje sy. E dija shume mire dokumentacionin qe ruhej ne Arkivin e Shtetit dhe qe lidhej me flamujt e Muzeut Kombetar. Identifikimi nuk ishte i veshtire. Pra, ishte nje pune e perbashket me Ariolen. Une nuk e dija ekzistencen e ketij flamuri.

Kete flamur ia ka dhuruar Ismail Qemalit duka i Monpasierit ne mars te vitit 1913, kur ai beri nje vizite ne Vlore. Ky flamur eshte valvitur per nje kohe te gjate ne ndertesen e Qeverise se Vlores. Kur Ismail Qemali u largua nga Shqiperia kerkoi te merrte me vete nje kujtim. Dhe iu dha ky flamur, te cilin e mbajti gjithmone prane.
 
Kur vdiq ne Peruxha, me 25 janar 1919, trupi i tij u mbulua me kete flamur. Edhe gjate varrimit ne Kanine me 12 shkurt 1919 arkivili u mbulua po me kete flamur.
 
Ne vitin 1932 u krye rivarrimi ne “Sheshin e Flamurit” ne Vlore. Perseri arkivoli u mbulua me kete flamur. Mbas ceremonise se varrimit, i biri i tij, Et'hem Bej Vlora, ia dorezoi prefektit te Vlores, Nepravishta per ta ruajtur ne Muzeun Kombetar. Dhe atje u ruajt.

Por flamujt u dorezuan pa inventar dhe pa histori ne vitin 1946 ne Institutin e Shkencave. Keshtu flamujt mbeten anonim. Po te mos ishte dokumentacioni ne Arkiv ne nuk do ta kishim njohur kurre kete flamur, qe eshte flamuri me prane Pavaresise qe ka Shqiperia.
Me dhenien e njoftimit nga QSA u hapen aktivitetet per 100 vjetorin e Pavaresise dhe kjo u quajt si ngjarja me e rendesishme. Flamurit i beme nje nderhyrje te lehte konservuese per nje ekspozim me te mire.

Flamuri eshte formuar nga dy pelhura te leshta te qepura bashkarisht, mbi te cilat eshte stampuar shqiponja. Anash ka vendin ku kalonte litari. Nje pjese e litarit, ashtu sic u pre dikur, ruhet ne vendin e vet. Nga mbrapa, ne nje kend, ndodhet  stampuar vula e Prefektures se Vlores.

Redaksia Online
(u.s/shqiptarja.com)