Pensioni suplementar dhe i përkohshëm, sa lek marrin ish-ushtarakët. Pensioni minimal përfitohen 11 mijë e 500 lekë. Ish-ushtarakët mund të marrin pension suplementar pleqërie dhe pension të përkohshëm. Pensioni suplementar llogaritet si shumëzim i pagës mesatare me vitet e shërbimit dhe 1% shtesë për çdo vit. Ndërsa pensioni i parakohshëm del si rezultat i shumëzimit të pagës mesatare me vitet e shërbimit dhe me një koeficient 1.5%.

Pensioni suplementar të pleqërisë
Llogaritja e një pensioni suplementar të pleqërisë: PSP = PMRMN x VSH x 1%. PSP: Pensioni Suplementar i Pleqërisë. PMRMN: Paga Mesatare Referuese Mujore Neto. VSH: Vitet e Shërbimit. Masa që rezulton nga kjo formulë nuk duhet të jetë më shumë se 50 për qind e pensionit të pleqërisë. Shembull: Ushtaraku  B.C. përfiton pension pleqërie sipas ligjit nr. 7703, datë 11.5.1993, i ndryshuar, me datë fillimi 10 Gusht  2013 dhe masën 23 400 lekë / muaj. Ai ka 25 vite shërbimi si ushtarak dhe pagë mesatare referuese mujore neto 42 900 lekë në muaj.