POP 5

Lajmet më të lexuara të 5 minutave të fundit

Kronikë

Ja ndryshimet brenda qeverisë në 4 vite

Që prej vitit 2013 kur erdhi në pushtet koalicioni i Aleancës për Shqipërinë Europiane, ardhja e Petrit Vasilit si ministër pas një shkarkimi, është lëvizja e shtatë brenda kësaj qeverie  VIDEO
Ja ndryshimet brenda qeverisë në 4 vite
Largimi i ministrit Ylli Manjani nuk është i vetmi në qeverinë Rama.

Që prej vitit 2013 kur erdhi në pushtet koalicioni i Aleancës për Shqipërinë Europiane, ardhja e Petrit Vasilit si ministër pas një shkarkimi, është lëvizja e shtatë brenda kësaj qeverie. Madje Manjani mori drejtimin e Ministrisë së Drejtësisë pak më shumë se një vit më parë , në 9 nëntor të 2015 pas dorëheqjes së ministrit Nasip Naco.

Në 2 shator të 2016 dha dorëheqjen edhe ministri i Transporteve Edmond Haxhinastos për t’u emëruar në këtë post Sokol Dervishaj. Por ndryshimi i parë në qeverinë Rama erdhi rreth një vit pasi e majta kishte ardhur në pushtet. 
 
Në gusht të 2014 Ministri për Marrëdhëniet me Parlamentin Ilirjan Celibashi dha dorëheqjen. Largimi i tij ishte personal dhe ai e lidhi për arsye profesionale. Në vend të tij Rama emëroi deputeten Ermonela Felaj.
 
Ndryshimi tjetër në qeveri do të vinte në ministrinë e Mirëqenies Sociale. Ministri Erion Veliaj lë këtë detyrë për të kandiduar për postin e kreut të bashkisë së Tiranës.Ai u zëvendësua nga deputeti Blendi Klosi, detyrë që e mban ende. Në shtator të 2015 u largua nga qeveria një ministër tjetër i LSI-së.
 
Nasip Naço në krye të ministrisë së Drejtësisë largohet, lëvizje e cila ndodhi në fillim të Reformës në Drejtësi. Në vend të tij LSI propozoi Ylli Manjanin, post të cilin e la këtë të hënë. Më 16 shkurt të 2016 nga qeveria u largua një tjetër ministër dhe ai ishte Shkëlqim Cani, që drejtonte financat. Kjo lëvizje u pasua me ndryshime portofolesh mes ministrave.
 
Në drejtim të Financave kryeministri Rama vendosi Arben Ahmetajn që mbante postin e ministrit të Ekonomisë, Turizmit e Tregtisë.  Milva Konomi, e cila mbante postin e zëvendësministres së Shëndetësisë zëvendësoi Ahmetajn në detyrën e Ministrit të Ekonomisë. 

Redaksia Online
(B.K/Shqiptarja.com)
 

  • Sondazhi i ditës:

    PS pritet të rikandidojë shumicën e kryebashkiakëve aktualë, si mendoni?

Lajme të tjera



×

Lajmi i fundit

Polarizimi politik në Ballkanin perëndimor dhe Europën lindore, studiuesit theksojnë rreziqet

Polarizimi politik në Ballkanin perëndimor dhe Europën lindore, studiuesit theksojnë rreziqet

21 Mars, 22:50