Ja pse sulmoi sot Sali Berisha Carlo Bollinon! Investigimi i Report TV për aferat serbe të tij me Damir Fazlliç dhe milionat e eurove në studion e Argitës nga Lazareviç

Prej vitesh Sali Berisha është një nga sulmuesit më të përkushtuar të gazetarit dhe botuesit Carlo Bollino duke fabrikuar ndaj tij dhe mediave që Bollino ka drejtuar dhe drejton, sulme të paprecedentë në gazetarinë e lirë shqiptare. Njësoj si në 2021 në mbrotjen e tij ndaj "non gratas" së SHBA-së edhe sot, një vit nga shpallja non grata e tij nga Mbretëria e Bashkuar Sali Berisha sulmon gazetarin Carlo Bollino dhe mediat që ai drejton Shqiptarja.com  e Report Tv duke gënjyer dhe shpifur.  

Po pse akuzon Berisha?

Në 2021 nga SHBA, Sali Berisha u shpall non grata për korrupsion madhor dhe minim të demokracisë së bashku me familjen e tij, gruan vajzën dhe djalin. Nga Mbretëria e Bashkuar Berisha u shpall ‘non grata” për korrupsion, lidhjet e tij të ngushta me kriminalitetin e organizuar dhe për aferat e pista të bëra me Damir Fazlliçin, një afarist serbo-boshnjak me pasaportë angleze, financues i madh i familjes së tij.

Berisha akuzon Bollinon dhe mediat e tij se janë burime të informacioneve ku Britania e Madhe është mbështetur për shpalljen e tij ‘non grata’ në 2022. Fakt është që Report TV dhe Shqiptarja.com janë mediat të cilat kanë denoncuar me fakte dhe dokumente, pas investigimeve tepër serioze për lidhjet e Berishës me Damir Fazllic dhe aferat e klanit Berisha.

Në një investigim të gjatë dhe të detajuar të bërë nga Report TV në 2021 u rindërtuan të gjitha lidhjet e njohura dhe jo të njohura të familjes Berisha me Damir Fazlliçin dhe afaristi serbo-malazez Vojin Lazareviç. Dokumentet e publikuara provuan ekzistencën e një lumi miliardash të serbëve të nisura nga parajsat fiskale dhe të mbërritura në Tiranë. Investigimi zbuloi se miliardat në cash ishin menaxhuar nga Argita Berisha dhe nga ortakja e saj, Flutura Kola, nga dhëndri i kryeministrit Jamarbër Malltezi dhe nga Erion Isufi, kunati i Lulzim Bashës. Investigimi tregonte më tej që një pjesë e atyre lekëve të Lazareviçit kanë përfunduar në xhepat e Jamarbër Malltezit dhe Argita Berishës që në verën e vitit 2007 kanë manipuluar pensionistë të Porto Romanos, nga të cilët kanë blerë tokat me gjysmën e vlerës.

Për kujtesë të lexuesve, por dhe të Berishës e ftojmë të lexojë të gjitha detajet e kësaj dosje të çmuar gazetareske, që vlen si dokument historik për të njohur se fytyrën e vërtetë të ish kryeministrit. 
Shkrimi më poshtë
INVESTIGIMI I REPORT TV/ Aferat e klanit Berisha, gjithë vendimet e firmosura nga Saliu për klientët e Argitës
Ndërsa për investigimin e osjes për privatizimin e '' Kompleksit sportiv Partizani' na akuzoi se ishim burme të Departamentit Amerikan të Shtetit. 
Shkrimi më poshtë: 
INVESTIGIMI I/Duart e familjes Berisha mbi 'Kompleksin Partizani'! Faktet si u morën 26.000 metra tokë që sot i gëzon dhëndri Jamarbër Malltezi

Këto investigime nxjerrin zbuluar të gjitha aferat korruptive që ai përpiqet ti fshehë, ndërsa i kujtojmë edhe një herë se Carlo Bollino është i vetmi gazetar në Shqipëri që e ka paditur në Gjykatë dhe ka fituar ndaj tij.

Lexo këtu edhe dy investigimet e tjera të Report Tv për privatizimin e 'Kompleksit Partizani' nga 'klani Berisha'
INVESTIGIMI II
INVESTIGIMI III

S.G/r.k./Shqiptarja.com

TAG:
• Berisha ne listen e zeze te SHBA
• sali berisha
• carlo bollino
• Berisha non grata nga Britania
• ish kompleksi partizani
• aferat e klanit berisha