Gjithkush e di se cila është detyra e stjuardesave gjatë fluturimit; të kujdesen dhe t'i shërbejnë pasagjerëve. Por, në një linjë ajrore, ekuipazhi e ka bërë këtë gjë në një formë tjetër, duke argëtuar pasagjerët.

Dy pilotë të linjës ajrore 'SpiceJet' janë pezulluar pasi gjatë fluturimit nuk ishin në kabinën e tyre, por së bashku me pjesën tjetër të ekuipazhit po kërcenin me njëri-tjetrin. Pilotët dhe stjuardesat filluan të kërcenin kur aeroplani ishte në një lartësi prej 10.600 metra.

Ndërkohë që stjuardesat po kërcenin, pilotët po filmonin me celularët e tyre. Video e vallëzimit të stjuardesave është publikuar në internet nga vetë pilotët.

Në video, shihen gjithashtu edhe pasagjerët, të cilët duartrokasin gjatë kërcimit të ekuipazhit.

Drejtoria e Përgjithshme e Aviacionit Civil e cilësoi këtë veprim të ekuipazhit të "padisiplinuar", duke thënë se është rrezikuar siguria e aeroplanit.

"Kërcimi dhe lëvizjet e shpeshta të ekuipazhit mund të kenë ndikuar në gravitetin e avionit gjatë fluturimit dhe mund të ketë krijuar turbullirë", thuhej në njoftimin e Drejtorisë së Përgjithshme të Aviacionit Civil.

I gjithë kërcimi i ekuipazhit zgjati rreth 2.5 minuta. Në ditët në vijim pritet që të merren masa ndaj linjës ajrore.


stjuardesa

pilot




(v.gj/shqiptarja.com)