Ja si i mbushin valixhet me para
këngëtarët e dasmave shqiptare

Festat familjare ndër shqiptarët e Kosovës dhe Maqedonisë organizohen kryesisht gjatë kohës së pushimeve të verës, kjo edhe për shkakun e ardhjes së pjesëtarëve të familjeve të tyre që jetojnë në diasporë, shkruan lajmi.net.

Ata që më së shumti mobilizohen për këtë sezon duket të jenë këngëtarët e muzikës popullore.

Përveç parave që marrin nga kontraktimi me organizatorin e ahengut familjar, janë bakshishet ato që edhe më shumë fryjnë xhepat e tyre.

Këto raste janë shumë më të dukshme te shqiptarët e Maqedonisë.

Më së miri këtë e dëshmon rasti i një këngëtare të muzikës popullore, e quajtur Fatlume Popovci, e cila ka publikuar në profilin e saj në Facebook grumbuj me kartëmonedha të ndryshme, si euro e dollarë, të cilat i ka siguruar nga bakshishet në një dasëm në një fshat të Tetovës.

“Hajde gazeta shkruni se kam pas arsyeje me buzëqesh se moti s’keni shkru, Sonte në dasmë në Gurgunicë, Tetovë”, ka shkruar Popovci në Facebook.






Marrë nga Lajmi.net

Redaksia Online
(xh.k/shqiptarja.com)