'Jam gati të sakrifikohem'/ Deklarata e Metës jehonë në mediat ndërkombëtare

Deklaratat e Presidentit Ilir Meta sot nga Pogradeci se është i gatshëm të sakrifikojë edhe jetën në mënyrë që vendi të dalë nga kriza politike, që sipas tij mund të thellohet edhe më tej dhe ta çojë Shqipërinë në konflikte të paparashikueshme ka bërë jehonë në mediat ndërkombëtare.

"Ilir Meta tha se pas dështimit të ndërmjetësimit të një zgjidhjeje politike, ai ishte i gatshëm të japë dorëheqjen nëse ai "ishte i sigurt se vendi ka një zgjidhje politike, kushtetuese dhe solide. Meta gjithashtu e krahasoi veten me presidentin kilian Salvador Allende, i cili vrau veten në vitin 1973 ndërsa trupat rrethuan pallatin e tij pas një grushti ushtarak" shkruan Washington Post.

Ndërkohë që artikulli vijon duke theksuar apelin e ndërkombëtarëve për opozitën shqiptare. "Opozita nuk ka dëgjuar thirrjet nga Shtetet e Bashkuara dhe Bashkimi Evropian që të mos nxisin dhunën dhe të ulen për bisedime me qeverinë". Përpos Washington Post, hapësirë deklaratës së Presidentit Meta i ka kushtuar edhe “New York Times”.

Shkrimi per Meten ne mediat e huaja

TAG:
• vetevrasja e metes