POP 5

Lajmet më të lexuara të 5 minutave të fundit

Sport

'Jam kampion i Seria A', Lukaku ndez sfidën me Portugalinë: Ronaldo e ka zili fizikun tim

Në prag të sfidës Belgjikë-Portugali Romelu Lukaku ka thumbuar Cristiano Ronaldon. Belgu është shprehur se ai është kampioni i Seria A, ndërsa ka shtuar se CR7 e ka zili potencën e tij fizike.

Romelu Lukaku po udhëheq Belgjikën në kampionatin Europian ashtu siç ka bërë edhe Cristiano Ronaldo në kompeticionet e fundit. Dy kombëtaret do përballen të dielën për fazën e 1/8 të Europianit, por sulmuesi belg e ka ndezur që tani atmosferën.

‘Bomberi’ që aktivizohet me Interit ka folur për një rivalitet në distancë me Cristiano Ronaldo-n. 28-vjeçari konkretisht është shprehur: “Kam nevojë për stimuj për t’u përmirësuar. Do të doja të kisha driblimet dhe goditjet e Ronaldos, ndërsa ai do dëshironte të kishte potenzën time fizike dhe lojën me shpinë nga porta."

Më tej Lukaku, që deri më tani ka shënuar 3 gola në Europian, dy më pak se Ronaldo, foli edhe për përballjen e 1/8.

"Futbollistët e Portugalisë janë shumë krenar për vendin e tyre. Do jetë ndeshje e vështirë, por ne jemi një skuadër e madhe. Qëllimi ynë është që Belgjika të fitojë kampionatin europian. Jemi rritur shumë që pas eliminimit nga Franca në gjysmëfinalet e Botërorit."

Lukaku dhe Ronaldo kanë sfiduar njëri-tjetrin gjatë këtij sezoni edhe në Seria A. Portugezi i Juventusit arriti të fitonte titullin e golashënuesit, por belgu i Interit u shpall kampion me zikaltërit.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

MPJD i kundërpërgjigjet Beogradit, ia refuzon kërkesën për vizitë një ministri serb

MPJD i kundërpërgjigjet Beogradit, ia refuzon kërkesën për vizitë një ministri serb

25 Dhjetor, 20:12