1. Qeveria Kurti i konsideron pasaportat serbe ilegale, shkaku se në ato pasaporta, komunat e Kosovës shkruhen si komuna të Serbisë.
- Por, qeveria Kurti bën negociata me Serbinë, e kur Albin Kurti flet me Aleksandër Vuçiqin për të ardhmën e Kosovës, nuk i pengon që Vuçiqi e konsideron Kosovën pjesë të Serbisë.
- Mimoza Kusari e ka lutur Millan Radojçiqin të bëhet me grupin parlamentar të VV-së kundër veteranëve të UÇK-së.
- Më keq se sa të bëhesh me Radojçiqin kundër veteranëve të varfër e të braktisur, nuk ka, as nuk mund të ekzistojë krim më i madh moral se ky....!
- Albin Kurti negocion me Aleksandër Vuçiqin, pasi që ka premtuar dhe është betuar se 'kurrë, e as atëherë' nuk do të pranonte të bisedonte me Vuçiqin, pa kërkuar ai falje për krimet luftës.
- Nëse qeveria e Kosovës nuk e kushtëzon Vuçiqin, pse pret nga serbët e Kosovës t'u vijë mërzi që janë serbë, e t'i refuzojnë pasaportat ilegale të Vuçiqit.
- Njëri prej tyre...Myfail B., më abdall nuk bën nana, po na trimëron 'mos iu tutni BE-së, por kritikojeni që i njohu pasaportat ilegale të Serbisë'.
- Pse ilegale?
Ju me ligj ua keni mundësuar serbëve të jenë edhe shtetas të Kosovës edhe të
Serbisë.
Serbët e Kosovës jetojnë në dy realitete ekstremisht të kundërta.
- Prej Serbisë marrin pasaporta, e prej juve marrin pare, pa punuar.
- Deputetët serbë i paguan Glauk buzagazi, anipse ata nuk e pranojnë pavarësinë e Kosovës, për ta Kosova është Serbi, e as nuk shkojnë në Kuvendin e Kosovës, ama pagat e buxhetit të Republikës së Kosovës, po, i pranojnë.
- As BE s'ka bërë më 'zi'!
- Vitin e kaluar, Besnik Bislimi ka thënë se legalizimi i pasaportave ilegale serbe është shkelje e sovranitetit.
- E tash që BE e shkeli sovranitetin....çka ke për të thënë...
- çfarë ndodh kur shkelet sovraniteti!
- Hë!
- Për qeverinë Kurti pasaportat ilegale janë të papranueshme!
E nëse janë të papranueshme, pse po i pranoni!
A po ju pyet kush!
Kur s'pyetesh për vendin tënd, pse shtron pyetje?
- Jepni dorëheqje!
Jep....se nuk po mund ta nxjerrni as macen prej përsheshi!
2. Populli ia kanë lënë Albulena Haxhiut ta rrëzojë qeverinë Kurti.
Çfarë i duhet Albin Kurtit opozita, kur e ka Albulenën.
- Nuk mërzitet më kush...
(Nëse ka mbetur ndonjë shqiptar që mërzitet për ju, le t'ia bëj zemër këtij shkrimi, për demant).
- Populli janë duke vallëzuar midis xhadesë, në autostradë, në pishina dhe vallja po hidhet edhe në bregdet, nën ritmin e tupanit, gjindja kanë sharruar në ujë deri në bel, u kënaqen...
dasma, nuse me allaturka, për pesë minuta t'i ndërrojnë dhjetë fustana;
nuse me fakultet, ama bëjnë temena...!
- E qeveria na imton që ne t'i lëmë këto kënaqësi e të merremi me ata dhe me pasaportat e serbëve!
- S'ka mundësi!
2. Presidentja Osmani, këmbën mbi këmbë, në takime të shumta me evropianë, që shumica nuk ia dinë as emrin, për baroneshën Ashton jam e zonja të bëj
bé se nuk ia di Vjosës emrin.
- Asnjëri prej gjithë atyre evropianëve nuk i treguan Vjosës për legalizimin e pasaportave ilegale serbe...,
aq seriozisht e marrin presidenten më mendjemadhe të popullit më të varfër në Evropë, që vet është e mençur, jeton sa më larg varfanjakëve, në lagjen më luksoze!
3. Uji i Ujmanit u çlirua ama qytetarët serbë janë të armatosur.
Ti që nuk e ke provuar luftën, dhe nuk ke qëlluar në Veri kur kanë filluar bombardimet...mos u nxeh!
- Qeveria po ju rrezikon (pa dashje, besoj) kur po ju josh të notoni në Ujman 'për inat të serbëve'.
- Se kur krisi pushka e u dëmtuan veturat, djemtë qëlluan në brekë...trupi kërcente përpjetë...çka u bë!
- Sepse, në luftë, pa pritur e pa u kujtuar, i madh e i vogël, me gra, me pleq, me të reja e të rinjë serbë janë armatosur, shpejt si vetëtima.
- Ju e dini çfarë ndodhi me shqiptarët në Veri në vitin 2000, dhjetëra u vranë e mijëra u dëbuan, anipse aty kishte KFOR.
- Serbët janë të organizuar dhe kjo situatë e 'riçlirimit', e krijuar nga Albin Kurti është vetëm një iluzion, një qetësi e rrejshme, para furtunës.
- Nuk është trimëri të notosh në Ujman i rrethuar me policë në tokë, e me snajperistë serbë nëpër bjeshkë!
Është naivitet! (kjo këshillë vlen edhe për vëllain tim).
4. Kemi nevojë për atë paqen e përhershme, që nuk po ndodh!
- Aman, le të ndodh!
Se nuk çlirohet natyra i dashur shok Albin (nuk çlirohet liqeni, lumi e mali), pa u çliruar njerëzit!
P.S. 'I asked my father,
I said, "Father change my name."
The one I'm using now it's covered up
with fear and filth and cowardice and shame'
Lajme të tjera
-
Shkup/ Rikthehen mosmarrëveshjet për Ballkanin e Hapur
24 Nëntor, 17:00 -
Vuçiç mesazh kërcënues: Jeta është luftë, Serbia do të fitojë
24 Nëntor, 12:42 -
Presidentja Osmani: NATO mbetet aleat i pazëvendësueshëm, anëtarësimi prioritet strategjik për Kosovën
24 Nëntor, 11:35 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
BOKS/ Alban Beqiri dhe Besian Karaj kampion të Ballkanit për peshat 67 dhe 71 kg, fitojnë mes Serbisë
23 Nëntor, 15:57 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
‘S’është koha për bashkim me Shqipërinë’, Kurti: Qëllimi i Serbisë është hakmarrja, duhet të jemi të përgatitur për këtë
22 Nëntor, 10:32 -
Kimete Berisha: E vetmuar, si dhelpra!
21 Nëntor, 21:31
-
‘Janë të pavërteta’, Policia e Kosovës mohon se e ka kaluar kufirin me Serbinë
21 Nëntor, 20:12 -
Shqipja në Maqedoninë e Veriut: Çfarë po e pengon zbatimin e Ligjit për gjuhët?
21 Nëntor, 16:54
-
BE-ja i kërkon Serbisë ta sqarojë pasivizimin e adresave të shqiptarëve në Luginë
21 Nëntor, 16:02 -
Serbi/ 11 të arrestuar, për shembjen e çatisë në stacionin e trenit në Novi Sad që vrau 15 persona
21 Nëntor, 13:56
