Në ceremoninë e hapjes pjesëmarrësit sfiduan temperaturat e ulëta -6 gradë celcius dhe shijuan punimet e mrekullueshme, të gjitha prej akulli. Këto skulptura të bukura akulli na çojnë vërtetë në botën e çudirave.
Në këtë qytet fantastik paraqiten riprodhime mahnitëse të disa prej ndërtesave më ikonë në Japoni, të gjitha të krijuara mbi blloqe akulli.
Tradita e këtij festivali daton që prej vitit 1950 ku një grup studentësh të shkollave të mesme ndërtuan disa skulptura akulli në Odori Park në qendër të Sapporos. Që prej atëherë Festivali i dha popullit një ndjenjë optimizmi për të shikuar të ardhmen pasi Japonia ishte ende duke u rimëkëmbur nga efektet pas Luftës së Dytë Botërore.
Festivali i këtij viti do të zgjasë deri më 11 shkurt, datë e cila përkon me Vitin e Ri Kinez, i njohur ndryshe si Viti i Ri Lunar. Organizatorët e eventit thanë se qyteti do të presë miliona turistë vendas dhe të huaj për të shijuar punimet e mrekullueshme të skulptorëve japoneze.
(ad.ti/l.ç/shqiptarja.com)
![](https://www.shqiptarja.com/template/img/sh_logo1.png)