Japonia e shqetësuar nga ndalimi i eksportit të vaksinave anti-COVID nga BE, ministri: Kjo mund të çojë në një lloj hakmarrjeje

Japonia është e shqetësuar nga një ndalim i eksporteve të vaksinave anti-COVID 19 nga vendet e BE.

Një gjë e tillë sipas ministrit të Reformës Administrative Japoneze, Taro Kono, i cili është përgjegjës për nisjen e vaksinimit në vendin e tij, mund të bllokojë furnizimet në Japoni dhe mund të ketë pasoja globale.

“Jam shumë i shqetësuar që disa qeveri mund të përpiqen të jenë më nacionaliste. Është e kuptueshme të vendosësh njerëzit tuaj në radhë të parë, por ne jetojmë në të njëjtin planet dhe zinxhirët e furnizimit tani janë globalë. Japonia ka plane për të importuar vaksina të prodhuara në Bashkimin Europian si dhe vaksina të bëra në SHBA që janë të paketuara në BE”, tha ai në një debat në internet nga Forumi Ekonomik Botëror, duke iu referuar një propozimi nga Komisioni Europian.

LEXO EDHE:
E 'dogji' me alkool dhe duhan, gjimnastja japoneze përjashtohet nga Lojërat Olimpike

“Nuk është e mençur të fillosh të prishësh këtë zinxhir global të furnizimit”, tha ministri duke paralajmëruar se “kjo mund të çojë në një lloj hakmarrjeje”. 

Ministrat e qeverisë i kanë kërkuar bllokut të mos miratojë kontrollet e eksportit të vaksinave COVID-19 dhe duke kërkuar bashkëpunim ndërkombëtar.

TAG:
• BE
• Japoni
• Vaksina anti Covid
• Vaksina Covid