Jashtë Kuvendit, ish-kryeministri Sali Berisha i pyetur nga mediat se a ishte normale gjuha e komunikimit të tij me pasardhësin e tij, Edi Ramën, u përgjigj pozitivisht.

“Po, sepse ai nuk njeh asnjë normë. Na foli për moral, po gjeni pak debatin e tij me Besnik Mustafën. I tha: nuk vjedh, nuk vras, nuk  marr gruan e shokut. Ai i bën të treja.”

Ndërsa lidhur me pretendimin e kryeministrit Rama se Berisha nuk mund të udhëtonte drejt Amerikës, ish-kryeministri iu përgjigj: Është trillim nga ana e tij. Unë nuk udhëtoj. Po ta vini re unë udhëtoj shumë pak dhe së fundmi e kam rralluar shumë.