Jasir Asani nuk është duke kaluar një periudhë të mirë me Gwangju në Korenë e Jugut. Sezonin e ri anësori i Kombëtares e ka parë nga tribuna, kjo për shkak se trajneri i tij (Jung-hyo Lee) ka marrë përsipër një vendim të tillë.
Vendimi lidhet me dëshirën e Asanit për t'u larguar në merkaton e janarit të shkuar nga ekipi, me klubin që duket se po "merr hak". Me Asanin në tribunë Gwangju po sheh humbje radhazi, ndërsa në stërvitje ylli i Kombëtares vijon të shënojë supergola.
Një mesazh i qartë për klubin, që në këtë fillim sezoni ka marrë vetëm 6 pikë në 4 ndeshje pa Asanin në fushë. Ndaj Incheon United, klubi i Asanit pësoi humbjen e tretë radhazi dhe tifozët kanë shfaqur interes për anësorin nga Shkupi.
![](https://shqiptarja.com/template/img/NO_ALFA_Kuadrate shqiptarja.png)
Veç Asanit, edhe Armando Broja është në situatë identike me Fulham në Premier League, duke qenë në tribunë për tre duele. Një situatë e tillë ka bërë me "dhimbje koke" Sylvinhon, me trajnerin e Kombëtares që kërkon minuta për lojtarët e tij para Euro 2024.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)