POP 5

Lajmet më të lexuara të 5 minutave të fundit

Kultura

Java kulturore britanike, diskutohet statusi i artistëve! Ministri i Kulturës: Artistët punësim të pasigurt, do ndryshohet ligji

Ministri i Ekonomisë, Kulturës dhe Inovacionit, Blendi Gonxhja është shprehur se artistët kanë punësim të pasigurt, por po punohet për ndryshimin e ligjit që aktualisht është i vjetruar dhe nuk u përgjigjet kërkesave të kohës

Ministri i Ekonomisë, Kulturës dhe Inovacionit, Blendi Gonxhja është shprehur se artistët kanë punësim të pasigurt, por po punohet për ndryshimin e ligjit që aktualisht është i vjetruar dhe nuk u përgjigjet kërkesave të kohës.

Të jesh artist në Shqipëri do të thotë të kesh një punësim të pasigurt krahasuar me sektorë të tjerë, tha Ministri i Ekonomisë, Kulturës dhe Inovacionit Blendi Gonxhja, duke lajmëruar ndryshim të legjislacionit.

‘Shumë nga këto pengesa vijnë si rrjedhojë e një kuadri ligjor të vjetëruar, i cili ka nevojë për rishikime në pjesë të rëndësishme të tij për t’iu përgjigjur nevojave të kohës. Për të hapur një kapitull të ri zhvillimi sa i përket artit, është e nevojshme që të identifikojmë si duhet sfidat me të cilat artistët vijojnë të përballen.’- tha Gonxhja.

Ambasadori britanik në Tiranë, Nicholas Abbott, shprehu bindjen se Shqipëria do të bëhet një vend kryesor në Ballkanin Perëndimor dhe Evropë sa i përket ekonomisë krijuese.

‘Një kuadër i fortë ligjor është baza për një sektor krijues të lulëzuar, duke mbrojtur të drejtat dhe duke nxitur rritjen. Jemi të ngazëllyer për Memorandumin e Mirëkuptimit të nënshkruar së fundmi. Kjo marrëveshje do të çojë në veprime konkrete, duke përfshirë hartimin e Strategjisë Kombëtare të Shqipërisë për Ekonominë Kreative. Ne nuk jemi vetëm duke hartuar një strategji; ne po projektojmë të ardhmen krijuese të Shqipërisë.’- tha Abbot.

Praktikat më të mira në ligjin për statusin e artistëve dhe ndikimi në artin shqiptar, u diskutuan këtë të mërkurë mes ekspertëve nga Mbretëria e Bashkuar, Suedia dhe Shqipëria gjatë konferencës “Drejt Politikave Kulturore Novatore”, zhvilluar në kuadër të Javës Kulturore Britanike.

M.Q./E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Australian Open/ Novak Djokovic reziston vetëm një set, eliminohet në gjysmëfinale pas dëmtimit! Tifozët e fërshëllejnë

Australian Open/ Novak Djokovic reziston vetëm një set, eliminohet në gjysmëfinale pas dëmtimit! Tifozët e fërshëllejnë

24 Janar, 09:15