Festivali i Gjon Milit, rimbledh dashamirësit e muzikës “Jazz&Blues” te “Reja” këtë mes javë. Të dashuruar me fjalën e tingullin, janë Elona Islamaj dhe Stenaldo Mëhilli që prezantojnë këtë edicion të dytë.
Ngjarja muzikore i bën homazh mjeshtrit të fotografisë botërore, Gjon Milit, duke i njohur kontributin për zhvillimin e muzikës jazz veçmas gjatë Luftës së Dytë .
I frymëzuar nga vende që ka vizituar si Stambolli, magjia e mesazheve të kartolinave apo personazhe të autorëve si Agata Kristi, pianisti austriak Martin Listabarth solli për publikun kryeqytetas kompozimet e tij më të fundit.
Paralelisht me performancën e tij tek “Reja” u ekranizua në kuadër të Javës Malazeze edhe filmi “Ace of spades” i Drasko Djurovic.
“Jam shumë i lumtur që jam këtu në Tiranë. Është hera e parë që vij në Shqipëri dhe jam shumë i lumtur që po performoj në këtë vend të mrekullueshëm. Madje mund të them se është hera e parë që luaj përballë një filmi, kështu që kjo është një eksperiencë emocionuese.”, u shpreh Martin Listabarth.
Promovimi i talenteve të reja të muzikës jazz dhe blues është në qendër edhe të mbrëmjeve muzikore që zgjasin deri në 15 korrik, ku ndalesa do të jetë në Pazarin e vjetër në Korçë. Arsi Bako është një prej zërave që rrëmbeu vëmendjen e spektatorëve.
Artisti i ri Emanuel Turhani përmes tingujve të pianos të çon në zanafillë të muzikës blues, kur siç rrëfen muzikanti Andi Kongo Antoni Maggio do të kompozonte ‘I got the blues’.
I ftuari special, perkusionisti italian Olmo Chitto performoi në vibrafon së bashku me “Andi Kongo quartet”. Këngë të vjetra shqiptare dhe arbëreshe erdhën në ngjyrat e muzikës jazz e blues.
Lajme të tjera
-
‘Lëvizjet pezull’, performanca e Dy Guliverëve te ‘Reja’! 6 artistë të rinj, balet dhe muzikë në shesh të hapur
3 Nëntor 2022, 17:51
-
Mungoi në ndeshjet e Kombëtares, mesfushori lë pas lëndimin
5 Tetor 2022, 19:17 -
Video-arti, 'Gjon Mili' bashkon për 3 ditë vendas e të huaj! 61 artistë pjesëmarrës, Elton Koritari rrëfen festivalin
6 Shtator 2022, 19:08
-
Promovohet ‘Mbyllur për pushime’, shkrimtari: Rrëfimi i ngjarjeve gjatë Luftës së Dytë Botërore bëhet nga humbësit
24 Prill 2021, 15:39
-
Ekspozita/Fëmijët ‘mposhtin’ pandeminë me art
17 Mars 2021, 16:37
-
Çelet tek “Reja” ekspozita “Piktura dhe fëmijët” (VIDEO)
21 Dhjetor 2020, 17:11
-
Kush është fotografi shqiptar që çuditi Hollywood-in
19 Shtator 2020, 09:31
-
Kombëtarja shqiptare zhvillon seancën e parë stërvitore: Konfirmohet mungesa e Kumbullës
31 Gusht 2020, 19:26
