POP 5

Lajmet më të lexuara të 5 minutave të fundit

Kultura

‘Jazz&Blues’, gjithçka ndodhi mbrëmjen e parë të Festivalit ‘Gjon Mili’! Nga homazhi për fotografin tek performancat e artistëve vendas e të huaj

Edicioni i dytë i festivalit 'Gjon Mili, jaz dhe bluz'  bëri bashkë artistë vendas e të huaj në instilacionin 'Reja' në Tiranë

Festivali i Gjon Milit, rimbledh dashamirësit e muzikës “Jazz&Blues” te “Reja” këtë mes javë. Të dashuruar me fjalën e tingullin, janë Elona Islamaj dhe Stenaldo Mëhilli që prezantojnë këtë edicion të dytë.

Ngjarja muzikore i bën homazh mjeshtrit të fotografisë botërore, Gjon Milit, duke i njohur kontributin për zhvillimin e muzikës jazz veçmas gjatë Luftës së Dytë .

I frymëzuar nga vende që ka vizituar si Stambolli, magjia e mesazheve të kartolinave apo personazhe të autorëve si Agata Kristi, pianisti austriak Martin Listabarth solli për publikun kryeqytetas kompozimet e tij më të fundit. 

Paralelisht me performancën e tij tek “Reja” u ekranizua në kuadër të Javës Malazeze edhe filmi “Ace of spades” i Drasko Djurovic.

 “Jam shumë i lumtur që jam këtu në Tiranë. Është hera e parë që vij në Shqipëri dhe jam shumë i lumtur që po performoj në këtë vend të mrekullueshëm. Madje mund të them se është hera e parë që luaj përballë një filmi, kështu që kjo është një eksperiencë emocionuese.”, u shpreh Martin Listabarth.

Promovimi i talenteve të reja të muzikës jazz dhe blues është në qendër edhe të mbrëmjeve muzikore që zgjasin deri në 15 korrik, ku ndalesa do të jetë  në Pazarin e vjetër në Korçë. Arsi Bako është një prej zërave që rrëmbeu vëmendjen e spektatorëve.

Artisti i ri Emanuel Turhani përmes tingujve të pianos të çon në zanafillë të muzikës blues, kur siç rrëfen muzikanti Andi Kongo Antoni Maggio do të kompozonte ‘I got the blues’.

I ftuari special, perkusionisti italian Olmo Chitto performoi në vibrafon së bashku me “Andi Kongo quartet”. Këngë të vjetra shqiptare dhe arbëreshe erdhën në ngjyrat e muzikës jazz e blues.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Gjendet trupi i rabinit të zhdukur Zvi Khogan, ministri izraelit i Mbrojtjes: Përgjegjësit e këtij akti kriminal të paguajnë për veprimet e tyre

Gjendet trupi i rabinit të zhdukur Zvi Khogan, ministri izraelit i Mbrojtjes: Përgjegjësit e këtij akti kriminal të paguajnë për veprimet e tyre

24 Nëntor, 09:30