POP 5

Lajmet më të lexuara të 5 minutave të fundit

Ekonomi

Jeni në kërkim të një pune dhe keni një ide biznesi, shteti ju jep 500 mijë lekë për ta vënë në zbatim! Ja procedura

Çdo person që është i papunë dhe është i regjistruar si punëkërkues pranë  zyrave të punës dhe që ka një ide biznesi do të mund të përfitojë 500 mijë lekë nga shtetI në formën e subvencionit, për t'i dhënë jetë kësaj ideje.

TIRANË- Çdo person që është i papunë dhe është i regjistruar si punëkërkues pranë  zyrave të punës dhe që ka një ide biznesi do të mund të përfitojë 500 mijë lekë nga shtetI në formën e subvencionit, për t'i dhënë jetë kësaj ideje.

Në fletoren zyrtare është publikuar programi 1 vjeçar që ka si synim nxitjen e vetëpunësimit, për të gjithë të papunët e regjistruar.  Nga ky program personat do të përfitojnë grantin për ngritjen e biznesit deri në masën 500 mijë lekë. Ky program i hartuar nga Ministria e Financave do të zbatohet dhe administrohet nga Agjencia Kombëtare e Punësimit dhe Aftësive. Ndërkohë për të aplikuar duhet të plotësosh disa kritere:

a) Është punëkërkues i papunë i regjistruar në strukturën vendore të punësimit;
b) Ka një ide biznesi, e cila nuk është në kundërshtim me kriteret e konkurrueshmërisë, të përcaktuara në dispozitat e Kodit të Punës dhe që deklarohet në bazë të një formulari të posaçëm, i cili përmban:
i. përshkrimin e idesë së biznesit;
ii. relevancën (rëndësinë);
iii. burimet e nevojshme për realizimin e biznesit;
iv. vlerësimin e gjendjes së mjediseve ku do të zhvillohet biznesi.

Një punëkërkues mund të përfitojë vetëm një herë nga ky program. Agjencia kombëtare do te ndjek të gjithë hapat e këtij programi, dhe pas hapjes së thirrjes për aplikime të gjithë punëkërkuesit do të kenë 30 ditë afat për të aplikuar duke paraqitur këto dokumente:

a) Formularin e aplikimit, i cili duhet të përmbajë:
i. projektidenë e detajuar të biznesit;
ii. vetëdeklarimin mbi plotësimin e kushteve të programit dhe marrjen e përgjegjësisë në rastet e deklarimeve të rreme;
iii. deklaratë për të autorizuar strukturën  përkatëse të punësimit të kërkojë apo të gjenerojë on-line dokumentacionin e nevojshëm për verifikimet e përputhshmërisë.
b) Vërtetimin që personi nuk ka detyrime tatimore;
c) Kopjen e dokumentit identifikues.

Më pas do të jetë struktura rajonale e punësimit, në bashkëpunim me ofruesit e arsimit dhe formimit profesional, që do të hartojnë brenda 5 planin e zhvillimit të trajnimit për sipërmarrjen dhe zhvillimin e planeve të biznesit, dhe per 10 ditë fillon trajnimi, dhe pas 3 javësh i nënshtrohen provimit.

Më pas Agjencia kombëtare e punësimit dhe aftësive shpall listën e fituesve dhe fituesit Do të kenë 5 ditë afat për të regjistruar biznesin në QKB. Nga ana tjetër të gjithë ata që shkelin kontratën për përfitimin e grantit dhe zbatimin e programit ata janë te detyruar të kthejë 100% të mbështetjes financiare të përfituar deri në atë moment.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Altin: 06/05/2020 14:56

    Jo

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu