POP 5

Lajmet më të lexuara të 5 minutave të fundit

Politikë

Jep dorëheqjen prefekti i Lezhës, s'jep arsye për largimin: Jeta jonë fillon të mbarojë ditën kur heshtim përballë gjërave që kanë rëndësi

Prefekti i Lezhës, Gjokë Jaku ka dhënë të hënën dorëheqjen nga detyra, pas 3 vitesh në këtë funksion. Ai nuk ka dhënë asnjë arsye për largimin e tij, por e ka ‘justifikuar’ me një shprehje të Martin Luter Kingut, që thotë “Jeta jonë fillon të mbarojë ditën kur heshtim përballë gjërave që kanë rëndësi”.

Jep dorëheqjen prefekti i Lezhës, s'jep arsye për largimin: Jeta jonë fillon të mbarojë ditën kur heshtim përballë gjërave që kanë rëndësi

Gjokë Jaku

LEZHË- Prefekti i Lezhës, Gjokë Jaku ka dhënë të hënën dorëheqjen nga detyra, pas 3 vitesh në këtë funksion. Ai nuk ka dhënë asnjë arsye për largimin e tij, por e ka ‘justifikuar’ me një shprehje të Martin Luter Kingut, që thotë “Jeta jonë fillon të mbarojë ditën kur heshtim përballë gjërave që kanë rëndësi”.

Në njoftimin e bërë në rrjetet sociale, Jaku ka bërë një falenderim për të gjithë personat me të cilët ka bashkëpunuar.

"Miqtë e mi, bashkëpunëtorë, bashkëqytetarë! Po ndaj me ju se sot kam dorzuar dorëheqjen time nga funksioni i Prefektit të Qarkut Lezhë punë të cilën e bëj prej afro 3 vjetësh. Së pari, falenderime pafund për administratën që unë drejtova, për korrektësinë, profesionalizmin dhe perkushtimin e tyre, u ndjeva kaq mirë me to.

Së dyti falenderoj me mirënjohje të gjithë ata drejtues të pushtet vendor, Dr. Policisë, ushtrisë e të degëve territoriale të cilët respektuan një kod sjelljeje e bashkëpunimi miqësor. Falenderim pafund për gjithë kontributin e tyre në përballimin me kohë të zgjatur të situatës post termeti dhe të pandemisë kryesisht.,shumë prej tyre meritojnë vlerësimin e gjithë opinionit.

Së treti, falenderime për të gjithë ata qytetarë që zgjodhen t'më takonin me besim në zyrë, rrugë e kudo, më inkurajuan e mbështetën por dhe më mirkuptuan për mundësitë e mia në zgjidhjen e problemeve të tyre.  Miqtë e mi të rrjeteve sociale! Ka qënë po kaq i rëndësishëm për mua dhe komunikimi me ju, më keni ndjekur e ndjehem ngrohtë me ju, jam perpjekur t'ju ndjek sa kam mundur, sidoqoftë kjo në vartesi të kohës time.

Kjo periudhë 3 vjeçare ka qënë një ekperiencë e vlefshme për mua e pas asaj të Q. Shkodër në vitet 1997-2000, më ka plotësuar CV time por jo vetëm. Jam përpjekur gjithnjë të jem i perulur por dhe kërkues për arritjen e objektivave të punës. Sigurisht që në punë dhe gabojmë, unë nuk jam një perjashtim. Jam i lumtur të kem lënë një gjurmë timen të mirë në këtë funksion të rëndësishëm. Sigurisht që do vijoj të jem aktor modest në jetën publike lokale me të cilën u lidha prej më shumë 30 vjetësh, në të cilën u rrita e u formësova. Do jem banor i këtij qyteti perjetë, një mik juaji padyshim, i lirë në e i pandikuar në qendrimet e mia, antikonformist për probleme që shqetësojnë mjedisin shoqeror, social etj.sepse kështu dua të mbetem. "Jeta jonë fillon të mbarojë ditën kur heshtim përballë gjërave që kanë rëndësi" M. Luther King", shkruan Jaku. 

Jaku më parë ka mbajtur detyrën e prefektit të Shkodrës, ka drejtuar Bashkinë Lezhë si dhe ka qenë deputet i Partisë Socialiste.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

'Më ofroi postin e nënkryetarit', Agron Shehaj i përgjigjet Arben Malajt

'Më ofroi postin e nënkryetarit', Agron Shehaj i përgjigjet Arben Malajt

26 Dhjetor, 13:36