Jetët paralele që kryqëzohen 
në romanin e Arlinda Gumës

Romani “Bulevardi i yjeve”, ndonëse shënon librin e parë të autores Arlinda Guma, përfaqëson një tekst që duhet lexuar vëmendshëm. Nisja e shtegtimit në qiellin e letrave, përmes shkrimit të romanit, bart sprovën dhe kërkimin, për të hyrë me jo pak seriozitet në këtë hapësirë. Metafora letrare që përçon romani, bashkëshoqëruar me rriskun e fillimit, lajmëton për një prozë ndryshe, të formësuar në shumicën e parametrave shkrimorë. Materia e tekstit, ofron një realitet letrar të ndërlikuar, ku pranëvihen dhe përplasen dy pamje, nga njëra anë ajo çfarë ngjet në një spital psikiatrik (me gjasë në një çmendinë), në anën tjetër jetësorja e përditshme që ngjet jashtë spitalit.