Jetesa në varfëri ekstreme e familjes Plepi me 4 të mitur në Maliq, apel për ndihmë: S'i ngop dot me bukë, njerëzit të vendosin dorën në zemër

Me 4 fëmijë të mitur jeton në varfëri familja Plepi nga Maliqi. Përmes Report Tv, apelojnë për ndihmë, pasi përpos varfërisë ekstreme nuk kanë mundësi të kurojnë vajzën 7-muajshme e cila ka lindur me probleme të frymëmarrjes.Denar Plepi nuk i ndal lotët.

"Nuk ngop dot fëmijët me bukë", tha ai.

Babai i katër fëmijëve qan për foshnjën 7 muajshe, të cilën nuk ka mundësi ta kurojë.

"Një herë në muaj do e çojë në Tiranë, nuk kam mundësi që të ndjke, merr lekë borxh nëpër komshinj. Me çfarë lekësh do i marr ilaçet, do qumësht dhe s'kam me ça t'ja marrë", tha babai me lot në sy.

Alkida ka lindur me sëmundje gjenetike "fibroze cistike", që i shkakton vështirësi në frymëmarrje. Mjekimet janë të shtrenjta për familjen Plepi,e cila jeton në kushte të mjerueshme, në fshatin Sheqeras të Maliqit.

"Nuk ia dalim dot, nuk kam me çfarë t'i marrë ilaçet. Po vjen dreka fëmija s'ka ngrenë ende mëngjesin, asnjëri nuk ka grenë bukë", tha nëna.

Ne këtë dhomë ku dritaret e dyert mungojnë e tavani pikon, çifti Plepi rrit 4 fëmijët mitur të moshës nga 5 vjeç deri në 7 muajsh. Të ardhurat e vetme janë ndihma ekonomike prej 6 mijë lekësh në muaj dhe puna sezonale e kryefamiljarit, që mbledh bimë medicinale në mal.

Ndërsa nëna kujdeset për të vegjlit, ndërsa thotë se i duhet të udhëtojnë shpesh drejt Tiranës për të mjekuar foshnjën.

"Në mngjes do i bësh avullin se ndryshe bllokohet, duhet të pijë ilaçet, e kemi çuar në Tiranë me oksigjen dhe serum", tha ajo.

Denar Plepi tregon për Report Tv se janë detyruar të marrin borxhe dhe kredi për të kuruar vajzën dhe tashmë janë në vështirësi për të kryer pagesat. Ndërsa ka trokitur dhe në bashkinë e Maliqit për strehim por nuk ka marrë përgjigje.

"Kam vajtur në bashki më thonë duhet të kesh të ardhura që të përfitosh shtëpinë. Unë po t'i kisha nuk veja kërkoja shtëpi atje në bashki", tha Denari.

Përmes Report Tv prindërit e 4 fëmijëve apelojnë për ndihmë.

"I drejtohem kujdo që më dëgjon të më ndihmojë për vajzën, veni dorën në zemër për fëmijët e mi. Të paktën t'i marr ilaçet dhe ushqimin vajzës së vogël" tha nëna.

Numri i kryefamiljarit Denar Plepi ku mund të kontaktoni për të ndihmuar familjen: 0677148925

I.K./J.SH./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • ali baba me 40 hajdutet: 09/10/2021 06:57

    Mos u merzisni se ne Shqiperi as ka vuajt, as nuk vuan dhe as nuk do vuaj njeri per buke.RAMA.

    Përgjigju
  • Ceco me bicak: 08/10/2021 16:04

    Tani qe cmimet jane rritur dhe do te vazhdojne te rriten edhe sikur ne bote te ulen tek ne nuk do te kete kthim pas pra do te vazhdojne te rriten sepse keshtu urdheroi kryeministri yne jo me femijet por as veten tuaj nuk do te mbani dot me buke pale me te tjerat

    Përgjigju
  • Qobani: 08/10/2021 11:24

    A i dini rregullat për me rrit SOJIN,shpejtsia e lëvizjes asht e ndryshme,biciklet,vetur,avion,pra me ngjinu,me ba namaz,nuk ban me puthë nusen,asë dashnoren,nuk ban asë me nderkat,me jetu me HALLALL

    Përgjigju
    • Joti: 08/10/2021 14:56

      Ca thua o b... ? A ske by** me i ndihmu ?! Ateher mbylle hal**

  • Sondazhi i ditës:

    Përçarja e PD mes Berishës dhe Bashës, mendoni se garanton fitoren e PS në 6 bashkitë?



×

Lajmi i fundit

John

Berisha sulmon Celibashin: Me urdhër të Ramës refuzoi përfaqësuesin tonë ne KQZ dhe pranoi atë të Peng Bashës