Japonezët investojnë 1.62 mln euro në Karavasta, Klosi: Natyra gjëja më e shtrenjtë që kemi

Japonezët investojnë 1.62 mln euro në Karavasta, Klosi: Natyra gjëja më e shtrenjtë që kemi

Blendi Klosi

Qeveria Shqiptare arrin nënshkrimin e marrëveshjes me Agjencinë Japoneze për Bashkëpunim Ndërkombëtar (JICA). Kjo marrëveshje ka si objektiv bashkëpunimin për ngritjen e kapaciteteve për përmirësimin e menaxhimit të ekosistemeve në Parkun Kombëtar Divjakë-Karavasta. Ceremonia u nënshkrua në mjediset e ministrisë së Turizmit dhe Mjedisit. Ndërsa morën pjesë Ministri i Turizmit dhe Mjedisit, Z. Blendi Klosi, Ambasadori i Japonisë në Tiranë, z. Ito Makoto dhe përfaqësuesi Rezident për Ballkanin Z. Takeiçi Jiro. Projekti ka një vlerë prej 1.62 mln euro si dhe do të zgjasë 3 vjet.

Unë edhe ja kërkova këtë ambasadorit, përfaqësuesit të JICA-s në qoftë se duam ta ruajmë lagunën nga efektet natyrore duam padyshim të ndërhyjmë në kanalin që lidh lagunën me detin. Dhe në rast se kjo nuk bëhet nga projektet e JICA-s të shohim mundësinë e investimeve shtetërore në ruajtjen e jetë gjatësisë të lagunës që si çdo pasuri tjetër është në rrezik nga efekte të ndryshme qoftë dhe vetëm natyrore. Po ashtu me ambasadorin kemi rënë dakord edhe në prezencën e ministrit japonez të shtetit për Mjedisin, zotit Kjuçi, që të kemi investime japoneze qoftë edhe në transformimin e objekteve të turizmit në zonën e Divjakë Karavastasë, ku ndërtimi i një parku japonez me bimë unikale japoneze në kullën e Divjakës besoj se është një projekt që do të marrë jetë shumë shpejt”, tha Ministri Klosi.

Ndërkohë Ambasadori i Japonisë Z. Ito theksoi faktin se problemet mjedisore tashmë, janë një sfidë e përbashkët. Ato variojnë nga shqetësime të vogla ditore deri në çështje globale.

Projekti pritet të promovojë një qasje të menaxhimit të bazuar në eko-sistem dhe forcimin e funksionit të këtij Parku Kombëtar. Ky projekt është më i ri në vargun e Projekteve të Zhvillimit që Japonia ka zbatuar në Shqipëri në sektorë të ndryshëm si infrastruktura, bujqësia, shëndetësia, zhvillimi dhe planifikimi hapësinor”, tha Z. Ito. Zhvillimi dinamik dhe urbanizimi i shpejtë po çojnë në degradimin dhe copëtimin e habitateve natyrore. “Mbrojtja e mjedisit dhe ruajtja e biodiversitetit, përfshirë jetën e egër, është thelbësore për Shqipërinë, spese humbja e biodiversitetit rezulton në çekuilibër të ekosistemit dhe ndikimit negative në jetesën e tyre. JICA po punon vazhdimisht në të gjithë botën për të mbështetur ruajtjen e biodiversitetit, duke promovuar bashkëjetesën harmonike të natyrës dhe njerëzve”, tha përfaqësuesi Rezident i JICA për Ballkanin, Z. TAKEIÇI.

Nënshkrimi i marrëveshjes

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • hasani: 09/10/2020 00:18

    1 MILION NE TURIZEM JANE PAK,,,SHQIPERIA DO 1 MILIARD EURO NE 5 VJET NE TURIZEM QE TE ARRIJME NIVELET EUROPIANE...

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Policia plan masash kundër kultivimit të kanabisit, kontrolle në gjithë territorin! Nga maji, Guardia di Finanza me monitorim nga ajri

Policia plan masash kundër kultivimit të kanabisit, kontrolle në gjithë territorin! Nga maji, Guardia di Finanza me monitorim nga ajri