‘Jo peng të kufijve të vendosur nga Tito, mos keni frikë’/ Thaçi flet për marrëveshjen me Serbinë

‘Jo peng të kufijve të vendosur nga Tito, mos keni frikë’/ Thaçi flet për marrëveshjen me Serbinë

Presidenti i Kosovës, Hashim Thaçi

Presidenti i Kosovës Hashim Thaçi u shpreh sot se marrëveshja finale me Serbinë duhet të përfshijë njohje reciproke mes dy vendeve dhe anëtarësimin e vendit në organizata ndërkombëtare, ndërsa ka hedhur poshtë mundësinë e ndarjes dhe shkëmbimit të territoreve. Ai në një intervistë për gazetën austriake “Der Standard”, tha se ideja për korrigjimin e kufijve me Serbinë deri më tani nuk ka qenë në tavolinën e bisedimeve në Bruksel.

“Çdo marrëveshje ka kuptim vetëm kur bëhet fjalë për njohjen dypalëshe dhe Kosova bëhet anëtare e plotë e bashkësisë ndërkombëtare dhe Kombeve të Bashkuara”, tha Thaçi.

Ai shtoi se ideja për korrigjimin e kufijve është e tij dhe se ideja për përfshirjen e Luginës së Preshevës po ashtu është e tij, dhe se nuk ka qenë subjekt i bisedimeve me Vuçiç, shkruan Telegraf.

“Por ne do të flasim për këtë. Unë dua të veproj në mënyrë racionale. Ka dallime të mëdha, por e vetmja rrugë është të vazhdosh dialogun. Pa një marrëveshje, ne pengojmë njëri-tjetrin në rrugën drejt BE-së”u shpreh Thaçi.

I pyetur se çfarë pret nga vizita e presidentit serb në veri të Kosovës, e paralajmëruar për 8-9 shtator, presidenti Thaçi tha se Kosova nuk do të ndahet dhe se nuk do të ketë shkëmbim territoresh.

“Kosova do të ruajë frymën multietnike. Por ne duhet të punojmë për të zgjidhur armiqësitë që kanë ekzistuar për 200 vjet. Ne nuk duhet të jemi peng të kufijve të vendosur gjatë Jugosllavisë së Titos. Jugosllavia nuk ekziston më. Kosova ka marrëdhënie të mira fqinjësore me të gjithë fqinjët e saj, Maqedoninë, Malin e Zi dhe Shqipërinë. Prandaj, askush nuk duhet të ndjehet i kërcënuar nga një marrëveshje e mundshme ndërmjet Kosovës dhe Serbisë”, ka thënë presidenti Thaçi.

Presidenti i Serbisë, Aleksandër Vuçiç, angazhohet për ndarje ndërmjet serbëve dhe shqiptarëve në Kosovë, duke u bërë jehonë kërkesave të Serbisë për ndarjen tokësore të Kosovës në kuadër të procesit për normalizimin e marrëdhënieve ndërmjet të dy vendeve.

Kosova e ka hedhur poshtë idenë e ndarjes tokësore të saj, ndërsa është përfshirë ne debatet e nxitura nga ideja e presidentit të saj Hashim Thaçi për 'korrigjimin e kufirit" që sipas tij, nënkupton bashkimin e luginës së Preshevës, një rajon me shumicë shqiptare në jug të Serbisë, me Kosovën.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Mala: 27/08/2018 08:49

    Hashim kurrre nuk kam guxim te frikesohem per veprimet T uaja politike,Jo vetem tash President,Por kurre asnjehere,qe nga rini9a Juaj student prorektor student,Veprimtar i Levisje,Ushtar i Lirise dhe lider politik i Drejtorise se SHP te UCKDrejtues i delegacionit ne R ambuje,pasluftes Kryeminister i WQeverise se Perkohshme,Lider partiak i PDK,Minister,nenkryetar Qeverie,Kryemeinister e tash President,Keto me mbushin besim se,ju asnjeher e kurre nuk keni gabuar,E doni dhe e keni cliruar kete hapesire shqiptare>kam bidje se te gjithe tjeret qe kokorizen,plasin elehin qent,Karvani do ec perpara me Hahsim ne Krye.Opozita sikur punon kunder shtetit dhe popullit,madje paralajmeron "gushtshtet" sepse nuk ka asnje besim nga populli qe mund te vije ne qeverisje>Keto jane sajesat trumbetu ese ant ihashim Thaç.Kot e kane,Mund ta demt ojne shtetin e Kosoves dhe popullin =shqiptare,Por kurre nuk do te fitojne besimin e sovranit per te drejtuar qeverisjen e ketij vendi.

    Përgjigju
  • Ops: 27/08/2018 00:13

    O injorant me mire kufijt e Titos sesa kufijt e soros . Te j sh i sig per kete sepse nuk ka shanse te behet ajo qe do ti dhe Rama dhe Soros dhe Vucic

    Përgjigju
    • Genti: 27/08/2018 08:41

      Po ty so të erdhi o zotri Ops !?!?!?

  • Sondazhi i ditës:

    Arrestimi i mjekut, a po bëhet sa duhet për të luftuar korrupsionin në sistemin shëndetësor?



×

Lajmi i fundit

‘Narcos-i’ i Greqisë, shkatërrohet karteli i drogës shqiptaro-grek! Autoritetet zbuluan plantacionin 40 hektarësh, 11 ton hashash të sekuestruar  

‘Narcos-i’ i Greqisë, shkatërrohet karteli i drogës shqiptaro-grek! Autoritetet zbuluan plantacionin 40 hektarësh, 11 ton hashash të sekuestruar