Përveç përmbytjeve të shumta, qytetarët e Durrësit janë përballur sot dhe me një tjetër problematikë. Ujësjellës-Kanalizime Durrës ka njoftuar se kanë mbetur pa ujë të pijshëm shumë zona të qytetit bregdetar, ku për shkak të përmbytjeve ka dalë jashtë pune stacioni i pompave.

“Per shkak te reshjeve me intesitet te larte ne zonen e Fushe Krujes , stacioni i pompave eshte jashte pune, per shkak te permbytjes. Per kete arsye do te kete mungese te furnizimit me uje te pijshem ne zonat Shijak, Xhafzotaj, Maminas dhe Gjepalaj. UKD po punon per normalizimin sa me shpejt te situates”, thuhet në njoftim.

d.c./shqiptarja.com