Jo vetëm Fazlliç, Britania e shpalli Berishën ‘non grata’ edhe për lidhjen me Fation Dautin, trafikantin që e mbushi me drogë! Iu bë atentat në lokalin e tij

Jo vetëm Fazlliç, Britania e shpalli Berishën ‘non grata’ edhe për lidhjen me Fation Dautin, trafikantin që e mbushi me drogë! Iu bë atentat në lokalin e tij

Florant Dauti sulmon Selinë e PD dhe Sali Berisha

Sali Berisha është shpallur ‘non grata’ nga Mbretëria e Bashkuar edhe për lidhjet e ngushta me një trafikant që ka mbushur me drogë të gjithë Britaninë e Madhe. Vetë Berisha sot, në emisionin ‘Opinion’ mbase duke ‘i shkarë’ goja, ka zbuluar një fakt të tillë duke thënë se Britania e Madhe nuk kishte sipas tij asnjë argument për pretendimet e ngritura lidhur me Damir Fazllic dhe Fation Dautin nuk qëndronin.

Berisha, ashtu siç bën me ambasadoren Kim, ka akuzuar ambasadorin britanik në Tiranë King Smith për atë që ai e quajti një akt korruptiv, lidhur me shpalljen e tij non grata.

 “Ambasadori britanik ka mbajtur qëndrim të fortë mbështetjeje ndaj Lulzim Bashës. Kjo që ka bërë Ambasadori Britanik është një akt i mirëfilltë korruptiv, i  ndikuar nga Rama, Erion Veliaj dhe Basha. Kam dokument për këto që them”, u shpreh Berisha ndërkohë që bëri me dije se edhe Mbretërinë e Bashkuar e ka hedhur në gjyq.

Por kush është Fatjon Dauti, trafikanti i drogës që mbushi një prej vendeve më të rëndësishëm të Evropës me drogë? Ai mbahet mend se ishte në krah të Berishës, në sulmin e dhunshëm që ky i fundit i bëri Partisë Demokratike më 8 janar 2022 kur donte ta merrte me dhunë godinën

Dauti është një 36-vjecar mbi të cilin rëndon akuza e trafikimit të lëndëve narkotike, i cili edhe është dëbuar nga Britania e Madhe. Pikërisht në këtë vend, Dauti ka marrë dhe epitetin “Boss Krimi”, si dhe lakohet për ‘përmbytjen e vendit me hashash dhe kokainë’. Për Dautin kishte një urdhër që identiteti i tij të mbahej i fshehtë dhe të identifikohej vetëm si “B9”, por Gjykata e Apelit vendosi që ta heqë këtë vendim.

Dauti, me origjinë nga Hasi, përfitoi rezidencë të përkohshme në vitin 2012, pasi ishte martuar me një letoneze. Leja iu bë e përhershme në Gusht të 2017-s, por Ministria e Brendshme britanike e revokoi në shtator të 2019-s, bazuar në informacionet e inteligjencës së Agjencisë Kombëtare të Krimit, NCA, që po hetonte rrjetin kriminal, por nuk ishte në gjendje që të ngrinte akuza ndaj tij. Vetë Dauti, sipas medias britanike, ka mohuar përfshirjen në krim dhe gjatë apelimit insistoi se për marrjen e vendimit kundër tij u përdor njohja sociale apo lidhja fisnore që mund të kishte me disa prej anëtarëve të këtij rrjeti.

Kjo përfshinte kushëririn e tij Alket Dauti, 33-vjeçarin e arrestuar nga oficerët e NCA në Qershor të 2018-s në Penge, në jug të Londrës, 2 muaj pas takimit që kishte pasur me Dautin, përpara se të ekstradohej drejt Belgjikës, në Janar të 2019-s, ku vuan aktualisht dënimin me 10 vjet heqje lirie për trafik të qenieve njerëzore.

Gkjykata pranoi pretendimet e Dauti do të vijonte të ishte i përfshirë në aktivitet kriminal dhe do të ishte kërcënim serioz për sigurinë e qytetarëve britanikë, nëse do të lejohej të qëndronte në këtë shtet. Në gjykatë u zbulua se ai kishte vetëm një llogari bankare, me të ardhura të limituara, megjithatë shijonte klubet e natës, veshjet luksoze e makinat më të fundit si Bentley, Range Rover dhe Jaguar. Apeli gjithashtu u njoh me një sulm të ndodhur jashtë një klubi nate ndaj një bullgari, orët e para të 21 Tetorit 2012, kur roja u godit me thikë afër zemrës, por arriti të mbijetonte. Në videot e sigurisë shfaqej pikërisht Dauti, duke u përleshur me personin në fjalë dhe menjëherë pas ngjarjes, 36-vjeçari u kthye në Shqipëri.

Në Tiranë ai ra pre e një atentati të ndodhur në Piano Bar-in në pronësi të tij në rrugën e Elbasanit, më 15 Shtator të 2013-s. Ndaj tij u qëlluan 7 plumba dhe Dauti mbeti i plagosur në këmbë. Lajmi u pasqyrua gjerësisht në mediat tona dhe në to thuhej se pas këtij atentatit dyshohej se fshiheshin konfliktet për aktivitetet kriminale në Londër, ose për hakmarrje.

Më pas, Dauti u arrestua e akuzua pasi u kthye në Britani, por stafi i rojeve tërhoqi padinë ndaj Dautit, sepse i druheshin këtij të fundit. Në Mars të 2013-s, çështja u pushua për mungesë provash. Vetë Dauti tha se kishte qenë prezent në vendngjarje, por nuk kishte pasur lidhje me plagosjen. Në seancën dëgjimore të SIAC, 36-vjeçari argumentoi se dëbimi nga Britania i shkaktonte atij dhe bashkëshortes stres të madh dhe se ai dëshironte që të vijonte jetën me të në Britani.

Gjatë një seancë dëgjimore në 2017-n, një zyrtar i NCA tha se Dauti konsiderohej si “lideri” i rrjetit kriminal shqiptar. Ai tha se gjatë hetimeve ishin arrestuar disa persona, sekuestruar disa kilogramë kokainë dhe ishin ndaluar disa emigrantë të jashtëligjshëm, por nuk kishte prova të mjaftueshme për të bërë të mundur arrestimin e Dautit. Sipas zyrtarit, fakti që Dauti ishte në gjendje të qëndronte ligjërisht në Mbretërinë e Bashkuar i dha atij një status më të lartë se kriminelët e tjerë që ishin në këtë vend në mënyrë të jashtëligjshme.

Dauti u dëbua nga Britania pasi humbi apelin që kishte bërë ndaj Komisionit Special Apelues për Emigracionin, SIAC, për kartën e tij të rezidencës, që iu hoq nga Home Office, departamenti përgjegjës për emigracionin, sigurinë, ligjin dhe rendin, por emri i tij u mbajt i fshehtë deri më tani.

Vetë 36-vjeçari argumentoi para autoriteteve britanike se ndonëse nuk ishte i përfshirë në krimin e organizuar, nëse do të identifikohej me emër, ata që ishin pjesë e bandave mund të besonin vërtetë se ishte, duke e bërë kështu objektiv të mundshëm për kriminelët me interesa të forta në pazaret e drogës.

Mediat britanike shkruajnë se ishte në interesin e publikut për të mësuar identitetin e tij, për shkak të akuzave për lidhje me trafikun e qenieve njerëzore, që mund t’i japë atij mundësinë që të rifutet ilegalisht në vend dhe duke qenë se emri i tij ishte i njohur në Shqipëri që prej 2013-s kur u plagos në atentat.

Rendit zhvillimet sipas orarit:
Ora 22:54
Berisha e pranon: Pa diskutim që gjatë qeverisjes time ka pasur korrupsion

1665694538_Screenshot10.jpg

Kryetari i Komisionit tw Rithemelimit Sali Berisha ka pranuar sonte se në qeverisjen e tij ka pasur korrupsion.

“Unë kamë firmosur në përputhej të plotë me ligjin. Kam firmosur mbi 7 mijë vetëm vendime qeverie, por në përputhje me ligjin. Pa diskutim ka patur korrupsion. Por ka patur dhe një luftë aktive kundër korrupsionit. Ka patur konkurrencë”, tha ai.

K.T./M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Alb: 14/10/2022 13:00

    Shkatroje shqipnin edhe veden ne fun. Keshtu ta punon bota, edhe te perdore dhe ne fune ske vler ma per ta.

    Përgjigju
  • Soni: 14/10/2022 01:35

    Po ik mo kriminel se na u bere si zoret e barkut hajdut del e pa pike turpi e thua ska pasur korupsion ti bere gjithe ajdutet e kriminela me pushtete ti bere gjithe gjykac e prekuror me 6 muj kurs dhe prandaj vuajme ne kete dite sote ti fute vllavrasjen dhe del per te shpetuar veten sikur te dhimbset populli te te dhimbsej populli nuk do e beje 97 nuk do beje te vrisje me avjon popullin mor kriminel

    Përgjigju
    • Laluci: 14/10/2022 08:27

      O Soni, komentin e ke bere shume te drejte, por meso te shkruash ka shqip se je per tu kthyer ne klase te pare.

  • BENI: 14/10/2022 00:46

    TI KE QENE KOKA E KORRUPSIONIT+KRIMIT O ZAGAR I TROPOJES,,KUR NUK TE CUAN PRAPA DIELLIT HAKLAJT,,,PO TE LANE TE QELBESH DYNJANE....

    Përgjigju
  • Palushka: 13/10/2022 23:56

    Te shkretet londinez ci ka gjetur me maloket,ata nxir nga kufiri ata prape hyjne brenda eh bela bela thuaj,ata jane mesu me tok te xanun ndaj silen sikur jane ne has, prandaj britaniket nuk i shohin dot me sy shqiptaret se u duken te gjithe nga hasi

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet