Joan Laporta 'i qepet' Xavit: S'po kërkojmë trajner të ri, duam që ai të qëndrojë

Xavi ka njoftuar largimin e tij nga Barcelona në fundin e sezonit aktual, ​​por presidenti i klubit Joan Laporta nuk dëshiron ta pranojë. Gjithçka do të varet nga zhvillimi i këtij sezoni.

Ndeshjet e mira, promovimi në Ligën e Kampionëve, një fitore e madhe në ligë kundër Atleticos dhe futja në fushë e lojtarëve të rinj janë tregues pozitivë të përparimit të Barcelonës nën drejtimin e Xavit.

Ky i fundit njoftoi pak javë më parë se do t'i jepte lamtumirën drejtimit të vështirë të Barcelonës në fund të këtij sezoni, por duket se presidenti i klubit Joan Laporta nuk është plotësisht i bindur për largimin e tij nga klubi.

LEXO EDHE:
Espanyol rrezikon mbijetesën, Kumbulla: Kemi shumë ndeshje para, kam besim te ky ekip

“I thashë Xavit se trajnerët duan të punojnë me ne, por ne nuk do të mendojmë për një trajner të ri për sa kohë ai është me ne. Ne e respektojmë vendimin e tij, por po luajmë gjithnjë e më mirë, gjithçka duket më mirë”, tha Laporta.

Presidenti i Barcelonës dëshiron që Xavi të qëndrojë në klub.

"Sigurisht dhe Xavi e di këtë. Unë do të doja që ai të vazhdojë të punojë dhe i thashë kur ai foli për presionin. Ka gjithmonë presion me ne. E pyeta për mundësinë e ndryshimit të mendjes, por ai tha se jemi dakordësuar për largimin në fund të sezonit. Gjithçka do të varet se si do të përfundojë ky sezon”, ka shtuar Laporta.

TAG:
• Xavi Hernandez
• Joan Laporta
• barcelona
• la liga

Sondazhi i ditës:

Si ka qenë për ju viti 2024?

• I mirë

  44%

• I keq

  22.8%

• As i mirë as i keq

  33.2%

Vota total: 1488

Votat totale janë unike

• Sondazhi i ditës:

  Si ka qenë për ju viti 2024?

  I mirë I keq As i mirë as i keq