Anthony Joshua, boksieri britanik, është rikthyer në majën e botës gjashtë muaj pas asaj humbjeje shokuese në qershor kundër Andy Ruiz. Joshua në ndeshjen e revanshit, të zhvilluar në Arabinë Saudite, e ka mposhtur meksikanin falë një strategjie të përsosur. Në fund gjyqtarët i dhanë fitoren më vendim unanim falë pikëve që ishin 118-110, 119-109 dhe 119-109.
Në këtë përballje të shumëpritur anglezi përfitoi nga gjatësia e tij duke mbajtur në distancë Ruiz. Joshua në mundësinë e parë godiste me të majtën, ndërsa nuk lejonte që meksikani të afrohej shumë. Në disa raste britaniku kapi maksimumin, por ato grushte që dukeshin të frikshme Ruiz i përballoi me sukses.
Falë kësaj fitoreje Joshua arriti të rimerte të katër titujt për peshat e rënda në boks. Bëhet fjalë për titujt WBA, IBF, WBO dhe IBO. Kujtojmë se në qershor e gjithë bota e boksit mbeti e shtangur kur Ruiz mposhti me nokaut boksierin Joshua, i cili deri në atë kohë numëronte zero humbje në karrierë.
Lajme të tjera
-
Anthony Joshua mund Jermaine Franklin, britaniku rikthehet me një fitore me pikë
2 Prill 2023, 08:02 -
Supersfida Joshua - Frenklin, në 'O2 Arena' garon edhe shqiptari Jurgen Uldedaj
30 Mars 2023, 14:03 -
Ndodh e paparshikueshmja, Joshua humb titujt kampion në peshat e rënda! E grushton boksieri që merrej me futboll
26 Shtator 2021, 10:44
