Josip Rela, si e vijoi në mërgim
traditën shqiptare të dramaturgjisë

TIRANE- Në shek. XVII, pikërisht aty rreth vitit 1721, nga rajoni i Krajës vendosur në brigjet e Liqenit të Shkodrës, nga fshatrat Ljarje, Brisk, Debreç dhe Shestan, u shpërngulën afro 32 familje shqiptare me rreth 227 frymë duke u vendosur në paralagjen e Zarës, të quajtur Borgo Erizzo, sipas dëshmisë së perfaqësuesit gjeneral për Dalmaci e Shqipëri, Nikola Erizzo. Arsyet e migrimit të shqiptarëve të këtyre fshatrave duhen studiuar në influencën e ngjarjeve të kohës dhe rrethanave të ndryshme politiko-shoqërore që impononte periudha e luftrave kundër pushtuesëve osmanë. Luftërat e shumta, sëmundjet e ndryshme, plaçkitjet, detyrimi i të rinjve shqiptarë për të sherbyer nizamë në ushtrinë turke, kushtet e rënda ekonomike, varfëria e tejskajshme, trysnia e ushtruar nga osmanët për të ndërruar fenë, por edhe pazarllëqet e dëmshme në kurriz të popullin shqiptar për interesa të ngushta mes të Venedikut dhe qarqeve të caktuara sllave.