"Ju pret një ditë e mbushur me nervozizëm gjatë së cilës do ju duhet të debatoni me dikë"! Parashikimi i yjeve për ditën e sotme

Dashi

21 Mars - 19 Prill

Ju pret një ditë e mbushur me nervozizëm gjatë së cilës do ju duhet të debatoni me dikë, gjë që mund të ndodhë edhe në raportin në çift. Mundohuni që të rrini të qetë, të analizoni mirë gjërat dhe të gjeni një zgjidhje.

Demi

20 Prill - 20 Maj

Kjo e martë do të jetë e lodhshme, ku ju do të jeni shumë të stresuar për shkak të gjërave të shumta që keni për të bërë. Shumë ndryshime do të vihen në jetë, gjë që do të rregullojë mjaft gjëra. Mundohuni që të mos lodheni shumë, pasi duke nisur nga mesjava gjërat do të përmirësohen.

Binjakët

21 Maj - 20 Qershor

Gjatë kësaj dite duhet të mundoheni që të flisni dhe të sqaroheni, pasi në vijim tensionet do të vijnë duke u shtuar sidomos në raportin në çift. Disa raporte do të kenë nevojë për verifikim gjatë këtij muaji, për të kuptuar se çfarë ka që nuk shkon.

Gaforrja

21 Qershor - 22 Korrik

E marta parashikon një rikuperim të ndjeshëm lidhur me një histori dashurie, pasi yjet do të jenë në anën tuaj. Ndërkohë probleme parashikohen sa i takon punës, ku mund të debatoni me një bashkëpunëtor. Fizikisht do të ndiheni më mirë në raport me ditët e kaluara.

Luani

23 Korrik - 22 Gusht

Do të ndiheni të lodhur dhe aspak nën humor dhe për këtë arsye mund të ketë diskutime. Jeni izoluar disi, njëlloj sikur të ishit kundër të gjithëve. Bëni mirë që të zbusni sjelljen tuaj dhe mos u mbyllni brenda vetes.

Virgjëresha

23 Gusht - 22 Shtator

Ju pret një ditë interesante, të cilën duhet ta shfrytëzoni plotësisht, pasi ditët në vijim do të sjellin lodhje me vete. Megjithatë do të arrini që të gjeni zgjidhjen e shumë problemeve. Bëni mirë që të mos merrni vendime të nxituara.

Peshorja

23 Shtator - 22 Tetor

Mund të keni fitime të papritura, ose puna mund t’iu dhurojë më shumë kënaqësi. Në këtë fillim muaji çështjet ekonomike janë mjaft të favorshme. Sa i takon ndjenjave, më mirë flisni tani, pasi gjatë fundjavës do të ketë rënie.

Akrepi

23 Tetor - 21 Nëntor

Gjatë kësaj dite bëni mirë që të tregoheni të kujdesshëm, nëse duhet të bëni një zgjedhje të rëndësishme për jetën tuaj. Intuita do ju vijë shumë në ndihmë. Në punë rezultatet do të jenë mjaft pozitive, në sajë të ndikimit pozitiv të Diellit dhe Mërkurit.

Shigjetari

22 Nëntor - 21 Dhjetor

Kjo e martë do të bëjë që lodhja të ndihet gjithnjë e më shumë. Bëni durim edhe disa ditë, pasi fundjava do të sjellë rikuperim. Mundohuni që të gjeni më shumë hapësirë për vete dhe të vini një projekt që keni përzemër në zbatim.

Bricjapi

22 Dhjetor - 19 Janar

Yjet janë në anën tuaj, mundohuni që të përfitoni për të zgjidhur çështje të natyrës ekonomike apo praktike. Bëni mirë që të gjeni zgjidhje brenda së enjtes, pasi në fundjavë situata astrologjike do të ndryshojë dhe j do të ndiheni shumë më të lodhur.

Ujori

20 Janar - 18 Shkurt

Yjet ju këshillojnë që t’iu kushtoni më shumë rëndësi ndjenjave. Dashuria, nëse keni personin e duhur pranë, mund të çojë drejt projekteve jetësore. Në këtë periudhë keni energji shumë më të mirë në raport me muajin e lënë pas.

Peshqit

19 Shkurt - 20 Mars

Kjo e martë do të jetë tejet pozitive ku situatat do të vijnë gjithnjë duke u përmirësuar. Në dy ditët në vijim ndikimi tranzit i Hënës në shenjën tuaj do të sjellë zgjidhje të mira.

TAG:
• Dashuri
• shenjat e horoskopit