Juela Meçani kërkon divorcin

Ishzëdhënësja e kryeministrit Sali Berisha, në prag divorci. Ish-konkurrentja e “Miss Albania”, e cila do të mbetej në mendjen e shqiptarëve për bukurinë dhe sharmin që kishte, i është drejtuar gjykatës së Tiranës me një padi, me objekt zgjidhjen e martesës nga bashkëshorti i saj Dritan Haxhiraj. Në padinë civile, që pritet të marrë në shqyrtim gjykatësja Brunilda Kasmi, ish-zëdhënësja e kryeministrit kërkon të ketë kujdestarinë e vajzës së saj, Noemi, që erdhi në jetë si fryt i martesës me Haxhirajn. Seanca e parë gjyqësore, pritet të zhvillohet më 23 shkurt 2012, ku gjykatësja Brunilda Kasmi, do të tentojë pajtimin e çiftit, sikurse parashikohet nga ligji. Nëse nuk arrihet pajtimi, do të fillojë procesi për zgjidhjen e martesës dhe do të vendoset fati i të miturës.