''Just Çiljeta'' së shpejti në Tiranë

Çiljeta përveç muzikës duket se ka vendosur të fillojë një biznes të ri, duke realizuar një ëndërr të hershme të sajën. Së shpejti këngëtarja do të hapë në Tiranë butikun me emrin ''Just Çiljeta''. “Ishte një dëshirë e imja, kisha vite që mendoja të çelja një biznes të tillë dhe tani me sa duket ishte momenti i duhur. Them se butiku do të jetë më tepër një shoë-room sesa dyqan. Do të ketë rroba kryesisht italiane, të koleksioneve më të fundit dhe nga stilistët më me zë në botë, si, Versace, Dolce&Gabanna, Roberto Cavalli, etj,- është shprehur Çiljeta. Përsa i përket projekteve muzikore këngëtarja është konkurrente në edicionin e 9 të Top Fest me këngën Maria të realizuar nga Three Dots.(xh.k/shqiptarja.com)