Ai është vetëm 19 vjeç por kjo nuk e ka penguar aspak që të bëjë një jetë të shthurur dhe plot aventura.

Bëhet fjalë për idhullin e adoleshentëve Justin Bieber, i cili së fundmi është komentuar shumë për mënyrën e jetesës.

Gjatë turit të tij muzikor në Brazil një muaj më parë ai u fotografua në një shtëpi publike ku kishte bërë një sërë gjestesh të turpshme, sidomos për një njeri publik.

Tani një media australiane zbulon se Bieber ka vizituar një klub striptizmi të quajtur Bada Bing mbrëmjen e së martës.

Përfaqësuesit e Justin nuk kanë dëshiruar të japin asnjë detaj në lidhje me këtë gjë.

Ndërsa një burim ka thënë se klubi ka qenë vetëm në dispozicion të tij deri në orën 4 e 30 të mëngjesit.

Pas koncertit të tij në Brisbane ai ka zgjedhur atë vend për tu relaksuar, ku kanë qenë plot 35 striptiste me të.

(Blerta Tusha/shqiptarja.com)