Juve buzëqesh edhe në Champions, munden United e PSG (VIDEO)

Pas kampionatit Juventusi buzëqesh edhe në Champions League. Bardhezinjtë mposhtën Ferencvaroshin 4-1 në Hungari dhe në kuotën e 6 pikëve konsolidojnë vendin e dytë në grupin G. Dygolësh shënoi spanjolli Alvaro Morata, një e shtoi Dybala dhe një autogol i vendasve nderuan djemtë e Pirlos. 10 minuta i pati në dispozicion edhe Myto Uzuni kohë në të cilën Ferencvarosh shënoi golin e vetëm.

Grupin G e kryeson Barcelona që fitoi jo pa vështirësi 2-1 ndaj Dinamos së Kievit në “ Camp Nou”. Autorë të golave ishin Messi dhe Pique ndërsa katalanasit njohin vetëm fitore në tre ndeshjet e luajtura. Surprizat e mëdha ndodhën në grupin H ku u mundën si Manchester United ashtu edhe PSG-ja. Anglezët humbën në Stamboll ndaj Basaksehir në shifrat 2-1. Demba Ba dhe Edin Visca bën të pavlefshëm golin e Martial.

U mposht edhe PSG-ja me të njëjtin rezultat. 2-1 fitoi Lajpcig ndaj kampionëve të Francës madje duke e përmbysur rezultatin. Di Maria i dha avantazhin miqve dhe më pas humbi penallti ndërsa gjermanët përmbysën me golat e Nkuku dhe Emil Forsberg. 6 pikë kanë United dhe Lajpcig dhe vetëm nga tre PSG e Basaksehir pas tre ndeshjeve të para në grupin H.
Chelsea likuidoi francezët e Rennes 3-0 falë dygolëshit të Ëerner me penallti dhe rrjetës së Abraham duke kryesuar me 7 pikë grupin E.
Po kaq pikë ka edhe Sevilla që evitoi një tjetër surprizë mbrëmjen e djeshme duke fituar me përmbysje 3-2 ndaj Krasnodar.

Dortmund arrin fitoren e dytë radhazi dhe merr keun e grupit F me 6 pikë. Verdhezinjtë triumfuan në transfertë ndaj Brugge 3-0 falë edhe një dygolësgi të Haaland.
Lazio edhe pse mes shumë vështirësive barazoi në Rusi ndaj Zenitit 1-1 dhe mbetet e dyta në grup. Caicedo 8 minuta nga fundi barazoi për italianët./Përgatiti Andi Kapxhiu

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet që Basha e Berisha të garojnë me kandidatë të përbashkët në zgjedhjet e pjesshme vendore?



×

Lajmi i fundit

John

Akuzohen për pastrim parash, kunati dhe shoferi i Rezart Taçit lihen në burg! Gjykata refuzon t’i lirojë, ish-bosi i naftës ende në arrati