Pas fitores kundër Cremoneses (1-2), Juventusi përgatitet sot për debutimin e trajnerit të ri Luciano Spalletti në Champions League. Në konferencën për shtyp, Spalletti theksoi se sfida kundër Sportingut do të jetë jashtëzakonisht e vështirë.

“Sporting është një ekip shumë i aftë në ndryshimin e roleve dhe ka një kontroll të jashtëzakonshëm të topit në mesfushën sulmuese”, shpjegoi trajneri bardhezi.

Ai foli edhe për disa prej lojtarëve: “Yildiz është i disponueshëm dhe më kujton pak Kvarën dhe Di Natalen. Cambiaso është një lojtar modern dhe shumë i fortë. Vlahovic do të ishte shumë i lumtur të qëndronte këtu”, vijoi ai.

Spalletti theksoi rëndësinë e mentalitetit dhe përqendrimit: “Liga e Kampionëve është një privilegj. Duhet të kemi personalitet dhe guxim për të zgjedhur atë që duam të bëjmë në fushë. Pasiguria është më e keqe se një gabim”, tha mes të tjerash 66-vjeçari.

Juventus - Sporting luhet sot në orën 21:00 në Torino.


Lajmi kryesor:

Champions League/ Sot nëntë takime, Juventusi si finale në shtëpi! Liverpooli përballet me Real Madridin, PSG gjen Bayern Munich