POP 5

Lajmet më të lexuara të 5 minutave të fundit

Sport

Juventus synon fitoren e 8 rradhazi, sot kundër Udinese-s për të treguar se duan titullin! Në mbremje Monza-Inter, zikaltërit e nisin me Dzeko-Lukaku

Juventus dhe Inter do zbresin sot në fushë për javën e 17 të Seria A. ‘Zonja e vjetër’ pak ditë më parë mori fitoren e 7 rradhazi në kampionat dhe kundër Udineses do tentojë të tetën, ndërsa Interi pasi rihapi kampionatin duke mposhtur Napolin kërkon 3 pikët në transfertën e Monzës.

Juventusi i Masimiliano Allegri-t do të presë sot në orën 18:00 Udinese-n në ‘Alianz Stadium’ për të zgjatur serinë e fitoreve rradhazi dhe për të treguar se këtë sezon do luftojë për titull pavarësisht nisjes tejet të dobët të kampionatit.

Pak ditë më parë i mjaftoi një gol në ekstremin e lojës nga Milik për të likuiduar Cremonese-n, ndërsa edhe sot do vijojë të ketë të padisponueshëm për shkak dëmtimi Bonucci-n, Cuadrado-n, Pogba-n dhe Vlahovic-in. Aktualisht Juventus renditet në vendin e tretë me 34 pikë, ndërsa Udinese deri më tani ka bërë një sezon pozitiv duke u renditur e teta.

Sakaq në vendin e katërt, me 1 pikë më pak se Juventusi, është Interi, që të mërkurën rihapi garën në Seria A, duke mposhtur Napolin që deri në atë moment nuk kishte asnjë humbje. Sot në orën 20:45 zikaltërit do kërkojnë 3 pikët e rradhës në transfertë kundër Monzës.

I padisponueshëm për Inzaghin vijon të jetë Brozovic, i cili vuan një dëmtim, ndërsa në sulm Dzeko dhe Lukaku priten ta nisin titullarë. Lautaro dhe Correa do jenë në stol të gatshëm për të bërë diferencën nëse situata e kërkon.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça