Juventusi i vendos kushte Ardian Ismajlit

Ardian Ismajli po shkëlqen këtë sezon me Empolin dhe pas mbrojtësit të Kombëtares janë disa klube, mes të cilëve edhe gjigantët e Juventusit që po ndjekin me vëmendje situatën.

Sipas statistikave dhe numrave, Ismajli është në listën e mbrojtësve më të mirë të sezonit në Serie A dhe mes më të mirëve në Evropë, duke lënë pas "kolona" të prapavijës. Vera që vjen (mbase edhe më herët) e sheh larg Empolit pas disa sezonesh për kapërcimin e madh në karrierë.

Ismajli ka hyrë në vitin e fundit të kontratës dhe në janar do të jetë i lirë për të negociuar me një klub tjetër, kjo gjashtë muaj nga skadimi i kontratës. Juventusi për momentin nuk do të shpenzojë para dhe ofron një formulë huazimi me të drejtë blerje ndërsa ky opsion për Empolin nuk mund të përdoret pasi do ta humbte lojtarin në qershor 2025 me parametra zero.

LEXO EDHE:
Rei Manaj me ekip të ri, sulmuesi shqiptar pritet të prezantohet te Trabzonspori

Edhe pse për momentin asnjë nga klubet nuk ka bërë hapin e parë, një zgjidhje do të ishte nëse Ismajli do të rinovonte edhe një vit me klubin e Empolit dhe në janar të huazohej në Torino ku do të kishte 6 muaj kohë për të treguar veten në një ekip të ri me objektiva të mëdha. Ai shihet si zëvendësi i Bremer që u dëmtua javë më parë dhe Ismajli pëlqehet nga Motta.

TAG:
• Ardian Ismajli
• Legjionaret
• juventus
• empoli

Sondazhi i ditës:

Çfarë prisni në vitin 2025?

• Punë

  10.8%

• Shëndet

  67.6%

• Mirëqënia

  21.5%

Vota total: 2296

Votat totale janë unike

• Sondazhi i ditës:

  Çfarë prisni në vitin 2025?

  Punë Shëndet Mirëqënia