POP 5

Lajmet më të lexuara të 5 minutave të fundit

Sport

Juventusi përmbys Bologna-n, gati të hapë shampanjën e titullit

Juventusi fiton me përmbysje 3-1 ndaj Bologna dhe i afrohet edhe më shumë titullit kampion që do të ishte i 7-ti radhazi. Milani arrin një fitore për zonën e Europa League duke mundur 4-1 Veronën.

Juventusi fiton me përmbysje 3-1 ndaj Bologna dhe është shumë pranë fitimit të titullit të 7-të radhazi kampion. Një penallti e kthyer në gol nga Verdi shokon bardhezinjtë dhe me avantazhin e miqve mbyllet pjesa e parë ndërsa në të dytën vjen edhe përmbysja e madhe. Allegri heq nga loja Matuidi dhe fut Douglas Costa që përmbys ndeshjen. Fillimisht Juvja arrin barazimin me autogolin e De Maio ndërsa më pas braziliani Costa jep dy asiste në golat e fitores. Golin e avantazhit e shënon Sami Khedira.

Mesfushori gjerman mposht nga fare pranë portierin Mirante në minutën e 63-të ndërsa pak minuta më vonë shënon edhe argjentinasi Dybala dhe Juvja mposht 3-1 Bologna-n. Pas 36 ndeshjesh bardhezinjtë grumbullojnë 91 pikë dhe thuajse sigurojnë titullin kampion.

Ka qënë çdo gjë e lehtë për Milanin që mposhti 4-1 Veronën në “San Siro” dhe e dënon skuadrën mike të bjerë në Serinë B. Calhanoglu dhe Cutrone shënuan në pjesën e parë ndërsa në të dytën për kuqezinjtë erdhën edhe golat e Abate dhe Borini. Milani arrin një fitore për Europa League.

Në Gjermani Bayerni fiton edhe pse me kohë është shpallur kampion. Bavarezët fituan me përmbysje 3-1 ndaj Koln. Vendasit i mbyllën 45 minutat e para në avantazh falë autogolit të Sule ndërsa skuadra e Heynckes përmbysi rezultatin në fraksionin e dytë me golat e James, Lewandowski dhe Tolisso. Schalke 04 mposhti 2-1 Augsburg dhe siguroi kualifikimin në Champions.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Çmontohet organizata shqiptare që kontrabandonte drogë nga Belgjika drejt Britanisë, mbi 30 kontrolle banesash dhe disa të arrestuar

Çmontohet organizata shqiptare që kontrabandonte drogë nga Belgjika drejt Britanisë, mbi 30 kontrolle banesash dhe disa të arrestuar

18 Dhjetor, 18:49