Kënga e Eurovizion, në studion e “The beatles”

Kënga shqiptare e cila do të përfaqësojë vendin në Eurovizion, ka udhëtuar drejt Shteteve të Bashkuata të Amerikës, kur pritet të regjistrojë versionin e ri të këngës “Suus”. Kënga do të regjistrohet në studiot prestigjioze ku më parë në regjistruar artistë të mëdhenj si grupi “The Beatles”, Frank Sinatra, Ray Charles apo Lady Gaga. Mediat shkruajnë se Rona Nishliu ka udhëtuar bashkë me kompozitorin Florent Boshnjaku drejt SHBA, pasi kanë zgjedhur të punojnë me studio “Capitol Records” dhe “Oceanëay Recording”. “Parimisht besoj që asgjë në botë nuk është e përkryer, e që e mira nuk ka kufi. Kënga është shumë specifike dhe ne po përpiqemi për një nivel sa më të mirë të incizimit të saj”-ka thënë këngëtarja.