KUKËS – Një qytetar i shpallur në kërkim ndërkombëtar për vrasjen në Çeki është kapur nga Policia Kufitare në Kukës.

I prangosuri është Shukri Hoti, 41 vjeç, nga Gjokava.

Nga verifikimet ne sistemin e -ASF (interpol) rezulton se ky shtetas ishte i shpallur në kërkim ndërkombëtar nga Interpol Praga.

Kjo pasi, një gjykatë në Pragë e ka dënuar atë në vitin 1999 me 12 vjet burg për veprën penale të "Vrasjes".

Pas arrestimit, Hoti do të ekstradohet në Çeki.


Redaksia Online
(f.s/shqiptarja.com)