POP 5

Lajmet më të lexuara të 5 minutave të fundit

Shëndeti

Këshilla:Virozat e stinës
11 mijë të prekur në javë

Virozat e stinës janë në prag. Sipas buletionit të institutt të Shëndetit Publik, në javë preken mesatarisht 11.041 persona, krahasuar me 11.895 të së njëtës periudhë të një viti më parë.
Këshilla:Virozat e stinës<br />11 mijë të prekur në javë
TIRANE - Virozat e stinës janë në prag. Sipas buletionit të institutt të Shëndetit Publik, në javë preken mesatarisht 11.041 persona, krahasuar me 11.895 të së njëtës periudhë të një viti më parë. Mëgjithatë, në prag të ardhjes së gripit, Ministria e Shëndetësisë u kërkon drejtuesve të shëndetit publik të bëjnë gati stokun e medikamenteve dhe të organizohen për përballimin e fluksit të të sëmurëve. Në planin e masave parashikohet riorganizimi i shërbimeve dhe i punës së mjekëve për të pritur pacientët në çdo orë të ditës.


"Në institucionet shëndetësore, do të përditësojnë planet e gatishmërisë në rast të emergjencave, për parandalimin e problemeve që lidhen me stinën e ftohtë, sipas grafikëve dhe platformës së miratuar nga ministria e Shëndetësisë për menaxhimin e situatave të veçanta. Qytetarët këshillohen, veçanërisht të sëmurën kronikë, të drejtohen për konsultë mjekësore për rivlerësimin e gjendjes së tyre shëndetësore, dhe përshtatjen e mjekimit sipas protokolleve përkatëse", - tha Gazment Bejtja, Drejtor i Shëndetit Publik, MSH.

Specilistët e Shëndetësisë këshillojnë që të gjitha grupmoshat të bëjnë vaksinën antigrip, pasi kjo që ka hyrë këtë vit në treg parandalon tre lloje virusesh. Po kështu u kërkohet qytetarëve që për rastet e thjeshta të përdorin shërbimin shëndetësor ambulator dhe të mos mbushin spitalet, me qëllim që t?u lihet hapësirë të sëmurëve rëndë. Përbërja e vaksinës ndaj gripit për sezonin 2012-2013 (sipas Organizatës Botërore të Shëndetësisë) është A/California/7/2009 (H1N1) pdm09-like virus; A/Victoria/361/2011 (H3N2)-like virus dhe B/Wisconsin/1/2010-like virus.gjithashtu ministria e Shëndetësisë ka urdhëruar që institucionet shëndetësore, publike dhe jopublike, të raportojnë çdo javë pranë shërbimit epidemiologjik përkatës të Drejtorisë së Shëndetit Publik, në kuadrin e sistemit ALERT, të gjitha rastet me infeksione respiratore të siperme dhe të poshtme që paraqiten. Çdo rast me insuficiencë respiratore akute dhe infeksion respirator të rëndë si dhe çdo vdekje e papritur të raportohet brenda 24 orëve.

Shkrimi u botua në numrin e sotëm të së përditshmes SHQIPTARJA.com

(Gre.M/Shqiptarja.com)

  • Sondazhi i ditës:

    Mendoni se arrihet objektivi i qeverisë për pagë mesatare 900 euro?

Lajme të tjera



×

Lajmi i fundit

DASH e shpalli ‘Non Grata’ Berishën, 65% e shqiptarëve e mendojnë të drejtë vendimin amerikan

DASH e shpalli ‘Non Grata’ Berishën, 65% e shqiptarëve e mendojnë të drejtë vendimin amerikan

29 Mars, 23:54