POP 5

Lajmet më të lexuara të 5 minutave të fundit

Sport

Kaçe ''detyron'' grekët të këndojnë shqip: Të ka lali shpirt...(VIDEO)

Ajo çfarë ra në sy është se grekët jo vetëm dëgjonin me kënaqësi dhe duartrokisnin por edhe këndonin

Ekipi i PAOK po zhvillon fazën parapërgatitore në Holandë, aty ku do të ketë dhe sfidën e madhe në kualifikueset e Champions League. Atë ndaj Ajaxit të Amsterdamit e cila vitin e kaluar ishte ''hirushja'' e këtij kompeticioni. Grekët po zhvillojnë një fazë të mirë pasi kanë fituar disa miqësore. 

Frymën e mirë në ekip lojtarët e tregojnë dhe gjatë kohës së pushimit. Lojtarët kanë organizuar një koncert brenda hotelit të tyre në Holandë ku lojtarët ishin të detyruar të këndonin nga një këngë. Shqiptari Ergys Kaçe edhe pse është rritur që i vogël në Greqi, flet më mirë gjuhën greke sesa shqipen si dhe disponon të dyja pasaportat nuk nguroi të këndojë shqip. Edhe pse më parë Kaçe është dënuar nga ekipi i PAOK për shfaqjen me simbole kombëtare të Shqipërisë kësaj radhe duket se situata është zbutur. 

Mesfushori shtatshkurtër nga Korça zgjodhi të këndojë këngën ''Të ka lali shpirt'' të Silva Gunbardhit, Mandi Nishtullës dhe Dafi Dertit. Këngë e cila është shumë e njohur në Ballkan pasi në fund të 2015 ishte kënga më e dëgjuar shqiptare ndërsa deri në vitin 2018 mbante vendin e dytë.

Madje ajo çfarë ra në sy është se grekët jo vetëm dëgjonin me kënaqësi dhe duartrokisnin, por një prej tyre portieri titullar i ekipit Alexandros Paschalakis i cili luan edhe për kombëtaren greke ju bashkua Kaçes duke kërcyer dhe kënduar. 

Në PAOK ka lojtarë të kombësive të ndryshme. Kujtojmë se nga Shqipëria janë Ergys Kaçe dhe Enea Mihaj ndërsa nuk mungojnë grekë, portugezë, suedezë, serbë, brazilianë, holandezë, nigerianë, islandezë, marokenë, spanjollë, kroatë, polakë dhe nga Kape Verde. 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • O Zot Na Shpeto!: 28/07/2019 16:55

    Na e hapet barkun me te tilla paçavure. Po pse kenge jane keto 'te ka lali...' e plot pislleqe te tjera si puna e kesaj. Keto jane turp e vetem kakofonira e antiart, te denja vetem per injorante e te mbaruar menderisht e shpirterisht. Tmerret e mizerabilitetet e ketyre te mjereve doni te na i servirni si art e perfaqesim more te marre e maluketer?!!.......

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Humbi jetën pasi ra nga 10 metër lartësi në vendin e punës, zbulohen detaje të reja lidhur me 41- vjeçarin shqiptar në Itali

Humbi jetën pasi ra nga 10 metër lartësi në vendin e punës, zbulohen detaje të reja lidhur me 41- vjeçarin shqiptar në Itali

24 Nëntor, 09:15