SELANIK, Greqi - Aksidenti tragjik i të martës që mori jetët e shtatë tifozëve të PAOK-ut ka zhytur në zi Selanikun. Të enjten në mesditë në Greqi mbërritën dy nga tre tifozët e mbijetuar, ndërsa në orët e pasdites së vonë, një avion i forcave të armatosura greke mbërriti në Selanik me shtatë arkëmorte, që mbanin trupat e pajetë të tifozëve që humbën jetën në aksidentin pranë Timisoarës në Rumani.

Që prej mbërritjes në aeroportin 'Makedonia', shtatë tifozët e ndjerë u pritën nga mijëra qytetarë dhe tifozë. Në orët e mbrëmjes së djeshme arkëmortet e shtatë viktimave u dërguan për të bërë një parakalim të fundit në rrugët pranë stadiumit 'Toumba' të PAOK-ut, ku ultrasit kryen homazhe duke ndezur flakadanë dhe duke derdhur lot për djemtë e qytetit.

Pamjet emocionuese tregojnë respekt për djemtë që donin të ndiqnin pasionin, por aksidenti tragjik u mori jetën në moshë shumë të re (nga 20 - 30 vjeç).

Aksidenti tragjik

Mesditën e të martës, furgoni i zi me të cilin tifozët e PAOK-ut ishin nisur nga Selaniku me destinacion Lyonin në Francë, u përplas "kokë më kokë" me një kamion në rajonin e Timis në Rumani, duke lënë pas shtatë viktima, tifozë të PAOK-ut. Mes tyre edhe shqiptarin Vasil Pilo. Mes të lënduarve është edhe një tifoz me origjinë shqiptare, Genci Sadiku.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 9 Mars, 15:01

    PS nuk jep aprovimin për arrestimin e Ballukut, si e vlerësoni?

Lajme të tjera