4 tetori i 2005 për familjen Kaçurri me origjinë nga Puka dhe me banim në Londër është një ditë e shënuar. Në kryeqytetin e Anglisë erdhi në jetë një djalosh shqiptar, që i ati, Pjetri e pagëzoi që në lindje me emrin Maldin.
Padyshim gjithçka lidhet me legjendën e Milanit dhe Italisë, Paolo Maldini. Të shumtë kanë qenë fansat e yllit kuqezi të mbrojtjes, aq sa prindërit shqiptarë kanë zgjedhur për fëmijët e tyre emrin Maldin.
Për Maldin Kaçurrin nuk është thjesht një emër, është një ëndërr që djaloshi po e jeton. I dalë nga moshat e Fulham, gjatë verës së 2022 ishte Per Mertesacker që e afroi të riun te moshat e Arsenalit.
Shtatëlartë (1.84 m), serioz dhe i lindur për të mbrojtur, Kaçurri ra në sytë e drejtorit të akademisë dhe ish-legjendës gjermane të mbrojtjes, që nuk nguroi ta merrte me ekipin e të rinjve.
Këtë verë, falë edhe shiririt në krah për paraqitjet e mira, shqiptari 18-vjeçar u bë pjesë e moshave U-21 të "Topçinjve". Ëndrra për djaloshin ishte pranë dhe për këtë mendoi Mikel Arteta, trajneri i ekipit që e mori në ekipin e parë mbrojtësin.
Spanjolli nuk u mjaftua ta kishte Kaçurrin në stërvitje, por fundjavën e kaluar e mori me vete në stol për ta pasur në derbin kundër Tottenham. Rrjedha e lojës e solli që Kaçurri mos merrte minuta, teksa vetëm pak ditë më vonë ylli shndërriu për të riun me ëndrra.
Në Carabao Cup Arsenali mposhti 5-1 Boltonin dhe në "Emirates" Maldin Kaçurri u fut në fushë në minutën e 70-të duke zëvendësuar Ricardo Calafiorin, italianin për të cilin Arsenali "theu bankën" gjatë verës.
I lumtur u shpreh 18-vjeçarin shqiptar për debutimin me ekipin A të Arsenalit, ndërsa duket një alternativë e mirë për prapavijën e Mikel Artetas. Ndeshja e së mërkurës ishte e para ndër shumë duele që Kaçurri do ketë në elitën e futbollit evropian, ku me pasionin e kthyer në profesion po ngjit një nga një shkallët në ekipin e "Topçinjve".
Gjatë tetorit Kaçurri mund të marrë një tjetër "dhuratë". Sylvinho me të gjitha mundësitë do e marrë në ekipin e parë kombëtar të Shqipërisë lojtarin e U-19, për ta projektuar në të ardhmen krah kapitenit Gjimshiti.
Mitaj, Ismajli, Kumbulla, Ajeti, Gjimshiti dhe tanimë Kaçurri, duket se janë garancia e Kombëtares për prapavijën.
Maldin Kaçurri
Lajme të tjera
-
Të huaj pa limit, Erbim Fagu: Dëmton futbollin, klubet s’mendojnë për akademitë
25 Shtator, 15:37 -
Enea Mihaj merr 'grada' në Portugali
24 Shtator, 15:57 -
Me 100 mijë vende, publikohen pamjet nga projekti për stadiumin e ri të Manchester United! Kostoja 2 miliardë euro
24 Shtator, 15:01 -
‘Dhimbje koke’ për Guardiolën, Rodri këput ligamentet! Sezoni thuajse i mbyllur
24 Shtator, 13:51 -
Me notën më të lartë, Ardian Ismajli në formacionin e javës në Serie A
24 Shtator, 13:06 -
Armando Broja me pronarë të rinj, drejtuesit e Romës blejnë Evertonin! Borxhi 600 mln euro
24 Shtator, 12:36 -
Ernest Muçi përfundon në tribunë
24 Shtator, 09:58 -
E bujshme/ Dëmtimi i Ter Stegen te Barcelona, ‘Mundo Deportivo’: Etrit Berisha një nga kandidatët për ta zëvendësuar
24 Shtator, 08:14 -
Arsenali ‘dridh’ Man. Cityn në ‘Etihad’, e barazon 2-2 me një lojtar më pak! ‘Qytetarët’ shënojnë në minutën e 98-të, Haaland rekord
22 Shtator, 19:54 -
Manchester United me stadium të ri, çfarë ndodh me 'Old Trafford'?
22 Shtator, 16:29 -
Kategoria e Parë/ Lushnja ndal Besën për herë të parë, Pogradeci rikthehet te fitorja! Tri pikë për Vorën dhe Kastriotin
22 Shtator, 12:31 -
Derbi i 175-të pa shkëlqim, Partizani dhe Tirana barazojnë 0-0 në 'Air Albania'! Bardheblutë tetë ndeshje pa fitore
21 Shtator, 21:58
