TIRANE- Nga data 27 korrik deri në 4 gusht maturantët në të gjithë vendin do të plotësojnë formularin A2. Ministria e Arsimit ka publikuar kalendarin e datave, ku maturantët e qarkut të Tiranës do të kenë 3 ditë kohë në dizpozicjon, ndërsa kandidatët në rrethet e tjera do të kenë si afat, vetëm 1 ditë.

“Këshillojmë që çdo maturant, në ditët në vijim, të bëjë përgatitjet paraprake jashtë sistemit online (Portalit të Maturës Shtetërore), duke u konsultuar me gjithë informacionin që i vihet në dispozicion nga Ministria e Arsimit dhe Sportit dhe Agjencia Kombëtare e Provimeve në faqet zyrtare online”, - u shpreh dje zëvendësministrja Nora Malaj.